ب/ به‌لێ ئه‌و دشێت ڤێ دوعايێ و هه‌ر دوعايه‌كا وێ بڤێت دشێت بۆ خۆ د نڤێژێدا به‌رى سلاڤا ملان بكه‌ت، ژبه‌ر كو د بوخارى و موسلميدا هاتيه.. پێغه‌مبه‌رێ خودێ (سلاڤێت خودێ لێ بن) دبێژيت: ((پشتى ته‌حياتێ بلا وێ دوعايێ هه‌لبژێريت يا وى بڤێت)).
ژ ڤێ حه‌ديسێ دهێته زانين هه‌ر دوعايه‌كا وى پێ خۆش دورسته، نه‌خاسمه ڤێ دوعايێ: (اللَّهُمَّ إنِّي أَعُوذ َبِكَ مِنْ عَژابِ القبْر، وَأَعُوذ بِكَ مِنْ فِتْنَه الدَّجَّالِ وَأَعُوذ بِكَ مِنْ فِتْنَه المَحْيا وَالمَمَاتِ اللَّهُمَّ إنِّي أَعُوذ بِكَ مِن المأثمِ والمغرَمِ) ئانكو: يا خودێ ئه‌ز خۆ ب ته دپارێزم ژ ئيزايا گۆرى، و ئه‌ز خۆ ب ته دپارێزم ژ به‌لايا ده‌جالى، و ئه‌ز خۆ ب ته دپارێزم ژ به‌لايا دنيايێ و مرنێ، و ئه‌ز خۆ ب ته دپارێزم ژ گونه‌هێ و ده‌ينى.
و ديسا د بوخاريێدا ژ ئه‌بو به‌كر ئه‌لسه‌ديق خودێ ژێ رازى بيت) هاتيه، گۆته پێغه‌مبه‌رێ خودێ (سلاڤێت خودێ لێ بن): دوعايه‌كێ نيشا من بده ئه‌ز د نڤێژا خۆدا بكه‌م، گۆت: ((بێژه: اللهم إني ظلَمْتُ نَفْسِي ظلْمًا كَثيرًا ولا ێغْفِرُ الذنُوبَ إلا أنت فَاغْفِرْ لي مَغْفِرَه من عِنْدِكَ وَارْحَمْنِي إِنَّكَ أنت الْغَفُورُ الرَّحِيمُ))، ئانكو: يا خودێ ب راستى من گه‌له‌ك سته‌ما ل خۆ كرى و كه‌س گونه‌هان ژێ نابه‌ت تو نه‌بى، تو ژ ده‌ف خۆ و ژ كه‌ره‌ما خۆ بۆ من ژێ ببه، (هه‌كه من رێكێت گونه‌ه ژێبرنێ ژى نه‌گرتبن و هه‌ژى ژى نه‌بم) و دلۆڤانيێ ب من ببه، ب راستى تو يێ گونه‌ه ژێبه‌ر و دلۆڤانى و خودێ چێتر دزانيت.
