ب / پشتى نڤێژا ئێڤارى و سپێدێ سونه‌ت ناهێنه‌كرن، چونكى د سه‌حيحا بوخارى و موسلميدا هاتيه پێغه‌مبه‌رێ خۆشتڤى (سلاڤێت خودێ لێ بن) دبێژيت: ((نڤێژ پشتى نڤێژا ئێڤارى نينه هه‌تا رۆژ ئاڤا نه‌بيت، و نڤێژ پشتى نڤێژا سپێدێ نينه هه‌تا رۆژ نه‌ده‌ركه‌ڤيت)). ژ ڤێرێ ئه‌م د خواستينه گوهداريا پێغه‌مبه‌رێ خۆشتڤى (سلاڤێت خودێ لێ بن) بكه‌ين، چ ئه‌م نهێنى و حيكمه‌تێ ژ فه‌رمانا وى بزانين يان نه، و دبيت حيكمه‌ت ئه‌ڤه بيت رێك ل مه بێته گرتن ئه‌م وه‌كى موشركان بكه‌ين، ئه‌و عيباده‌تێ رۆژێ د ڤان وه‌ختاندا دكه‌ن و شه‌يتان خۆ نێزيكى رۆژێ دكه‌ت د هه‌لاتن و ئاڤابوونێدا، هه‌روه‌كى رۆژ د ناڤبه‌را شاخێت ويدا دهه‌لێت و ئاڤادبيت دا عيباده‌تێ وان بۆ وى بكه‌ڤيت، ژبه‌ر هندێ پێغه‌مبه‌رێ خۆشتڤى (سلاڤێت خودێ لێ بن) نه‌هيا مه كر ئه‌م سونه‌تان بێخينه د ڤان وه‌ختاندا؛ دا نه‌كه‌ڤيته دگه‌ل عيباده‌تێ موشركان بۆ رۆژێ، و دبيت حيكمه‌ته‌كا دى ئه‌و بيت دا خودێ بێهندانێ بده‌ته مه، و ئه‌م چه‌ند وه‌خته‌كى سونه‌تان نه‌كه‌ين دا چالاك ببين و ب هێز و ڤه‌ژه‌ن بكه‌ڤين و خودێ چێتر دزانيت.
