ب / ده‌ستپێكێ دڤێت ئه‌م بزانين كيژ دوعا دورستن د نڤێژێدا بێنه‌كرن، ده‌ف ئيمام ئه‌حمه‌د و ئه‌بى حه‌نيفه تنێ ئه‌و دوعا دورستن ئه‌وێت د قورئانێدا هاتين يان ژى ژ پێغه‌مبه‌رێ خودێ (سلاڤێت خودێ لێ بن) هاتينه ڤه‌گوهاستن، هه‌رچه‌نده جمهورێ زانايان دگه‌ل ڤێ بۆچۆنێ نينن و دبێژن: هه‌ر دوعايه‌كا هه‌بيت يا دورسته، به‌لێ ئه‌و دوعا ب خۆ يا خه‌له‌ت نه‌بيت، و ئه‌ڤ بۆچۆنه دورستتره، و هندى پێ چێ بيت نابيت ئه‌و ب زمانه‌كێ دى ژبلى يێ عه‌ربى دوعا و زكرێت نڤێژێ بێژيت، و ئه‌ڤه بۆچۆنا هه‌مى زانايانه ژ گۆتنا پێغه‌مبه‌رێ خودێ (سلاڤێت خودێ لێ بن): ((صَلَّوا كمَا رَأَيتُمُوني أُصَلِّي)). وه‌كى هه‌وه ئه‌ز ديتيم نڤێژێ دكه‌م وه‌سا نڤێژێ بكه‌ن. و پێغه‌مبه‌رێ خودێ (سلاڤێت خودێ لێ بن) ب چ زمانێت دى زكر و دوعايێت نڤێژێ نه‌گۆتينه، به‌لێ ده‌ف ئيمام ئه‌بو حه‌نيفه(خودێ ژێ رازى بيت)،: دورسته، و نڤێژ به‌تال نابيت، بۆ ئيحتيات ئه‌ز دبێژم: بلا د نڤێژا فه‌رزدا دوعا ب چو ئه‌زمانێت دى نه‌هێنه‌كرن، چونكى ـ خودێ نه‌كه‌ت ـ هه‌كه نڤێژ پێ به‌تال بوو هنگى دێ مرۆڤ د زيانه‌كا مه‌زندا بيت، به‌لێ هه‌كه عه‌ره‌بيێ نه‌زانيت و دڤێت ب ئه‌زمانێ خۆ بۆ خۆ دوعا د نڤێژێدا بكه‌ت بلا وان دوعايان بكه‌ته د نڤێژێت سونه‌تدا، و نڤێژا مريدا و دويف بۆچۆنا ئه‌بو حه‌نيفه(خودێ ژێ رازى بيت)، دورسته و چو تێدا نينه و خودێ چێتر دزانيت.
