به‌رسڤێت دور نڤێژێ و پرسێت پێڤه‌ گرێداى

ب / ده‌ف ئيمام مالك(خودێ ژێ رازى بيت)، و هنده‌ حه‌نه‌فيان هه‌كه‌ مرۆڤ ئيمام بيت يا مه‌كروهه‌ وان ئايه‌تان بخوينيت ئه‌وێت سوجده‌ تێدا.. دا ل به‌ر خه‌لكى خه‌له‌ت نه‌بيت، به‌لێ زانايێت دى دبێژن: نه‌خێر، دورسته‌ دا پشتنڤێژ بزانن دورسته‌ د نڤێژێدا جهێ سوجدێ بچنه‌ سوجدێ پاشى رابنه‌ڤه‌ و نڤێژا خۆ تمامكه‌ن، ئانكو: دورسته‌ بۆ چاڤلێكرنێ و زانينێ ل جهێ ئايه‌تێت سوجدێ دێ چنه‌ سوجدێ خۆ ئه‌و د نڤێژێدا بن، به‌لێ كا دێ چيه‌ ركوعێ يان سوجدێ: ده‌ف حه‌نه‌فيان ركوع جهێ سوجدێ دگريت ب ئنيه‌تا سوجدێ، چونكێ رامان ژ هه‌ردووكان خۆشكاندنه‌ بۆ خودايێ مه‌زن و ئه‌ڤه‌ ب هه‌ردووكان دهێته‌ جه و خودێ چێتر دزانيت.