ب / دڤێت تو هزرێت خۆ ئێك لا و بنه‌جه بكه‌ى و باش هزرا خۆ بكه‌ى كا ته خوانديه يان نه، هه‌كه گۆمانبرى بۆ ته چێ بوو ته خوانديه يان هزرا ب سه‌نگتر ته خوانديه، تو چو بۆ وێ شكێ نادانى و دويماهيا نڤێژا خۆ ژى ناچيه سوجدا سه‌هوێ، به‌لێ هه‌گه هزرا ب سه‌نگتر بۆ ته ديار بوو ته نه‌خوانديه.. دڤێت تو بزڤريه فاتحێ بخوينى و پاشى تمامكه‌ى، و به‌رى دويماهيێ بچيه سوجدا سه‌هوێ، هه‌رچه‌نده بۆچۆنا ب هێزتر ل ده‌ف حه‌نبه‌ليان: هه‌رگاڤا شك بۆ وى د هه‌ر روكنه‌كيدا په‌يدا بوو هه‌روه‌كى وى ئه‌و روكن نه‌كرى و دڤێت بزڤريته وى روكنيڤه و پاشى ل سه‌ر تمامكه‌ت و خودێ چێتر دزانيت.
