ب / مرۆڤى چو هێجه‌ت نينن نڤێژێ ژ خۆ ببه‌ت، و دڤێت نڤێژ بێته‌كرن، به‌لێ دڤێت مامۆستا يان قوتابى نڤێژێ ده‌رفه‌ت نه‌وه‌رگريت به‌رده‌وام خۆ گيرۆكه‌ت و بكه‌ڤيته ناف ده‌ڤێ هنده‌كان و خۆ به‌رهنگارى نه‌كاميێ بكه‌ت، و فه‌ره سه‌ر رێڤه‌به‌رى بێهندانه‌كێ د نه‌خشێ ده‌رس و وانه‌ياندا تايبه‌ت بكه‌ت بۆ نڤێژێ، و هه‌كه ته‌خسيرى كر و ل ده‌ف وى ئه‌ڤه نه‌يا فه‌ربيت ببيته ئه‌گه‌رێ هندێ نڤێژ ژ مامۆستا و قوتابيان بچن هنگى ئه‌و يێ گونه‌هكاره و گونه‌ها هه‌مى كه‌سێت قوتابخانێ د ستۆيێ ويدايه، و دڤێت ئه‌و نه‌خشه‌ى ب رێكه‌كا وه‌سا كاربێخيت مامۆستا و قوتابيان ده‌رفه‌ت هه‌بيت نڤێژێت خۆ بكه‌ن و نڤێژێت وان ژ وان نه‌چن، و هه‌كه وه‌نه‌كر دڤێت مامۆستا و قوتابى نڤێژێت خۆ بكه‌ن و ئه‌و نه د گونه‌هكارن هه‌كه بۆ هندێ گيرۆبين و رێڤه‌به‌ر يێ گونه‌هكاره و خودێ چێتر دزانيت.
