به‌رسڤێت دور نڤێژێ و پرسێت پێڤه‌ گرێداى

ب / هه‌كه‌ ته‌ ب ده‌ستێ خۆ برك ئينا خۆ، و تشته‌ك هاته‌ ناف ده‌ڤێ ته‌ و ته‌ داعويرا، هنگى نڤێژا ته‌ به‌تال بوو، و دڤێت تو بكه‌يه‌ڤه‌، به‌لێ هه‌كه‌ بێ ده‌ستى ته‌ برك هاتنه‌ ته‌ و خوارن هاته‌ ناف ده‌ڤێ ته‌ و ته‌ نه‌داعويرا و ته‌ هاڤێت چو نينه‌ و كێماسى ناكه‌ڤيته‌ د نڤێژا ته‌دا، و تو دشێى سه‌ر نڤێژێ پاته‌كى (كلينسه‌كێ) ده‌ربێخى و تشتێ هاتيه‌ ناف ده‌ڤێ ته‌دا بكه‌يه‌ ناڤدا و جاره‌كا دى بزڤرينيه‌ڤه‌ د به‌رويكا خۆدا و نڤێژا خۆ ببه‌يه‌ سه‌رى و نڤێژا خۆ به‌تال نه‌كه‌ى، و هه‌كه‌ بێى ته‌ تشته‌كێ كێم دگه‌ل خازيا ته‌ چۆ خوار چو نينه‌ و قوسيرى ناگه‌هيته‌ نڤێژێ. به‌لێ زانا هه‌مى دگه‌ل هندێنه‌ هه‌ركه‌سێ تشته‌كى ل سه‌ر نڤێژێ بخۆت يان ڤه‌خۆت ـ چ نڤێژا فه‌رز بيت يان سونه‌ت ـ نڤێژ يا به‌تاله‌ و دڤێت بكه‌ته‌ڤه‌، به‌لێ هه‌كه‌ هنده‌ خوارن مابيته‌ د ناڤبه‌را ددانێت ويرا و تشته‌كێ كێم بيت و دگه‌ل تفا وى بێى حه‌زكرنا وى بچيته‌ خوار قوسيرى نينه‌ و نڤێژا وى به‌تال نابيت و خودێ چێتر دزانيت.