ب / ئێك ژ كه‌ره‌مێت تايبه‌ت ب ڤێ ئومه‌تێڤه، خودايێ مه‌زن دگه‌ل كرين، عه‌رد هه‌مي ـ هه‌ر جهێ لێ بيت به‌س پاك و پاقژ بيت و نه‌يێ زه‌بكرى بيت ـ دورسته نڤێژ لێ بێته‌كرن، و د راستا ڤێ چه‌ندێدا پێغه‌مبه‌رێ خودێ (صلى الله عليه وسلم) دبێژيت: ((جُعِلَتْ لي الأَرْض مَسْجِدًا وَطهُورًا)) ئانكو: خودێ عه‌رد هه‌مى يێ بۆ من كريه جهآ سوجوجده‌برنآ و مزگه‌فت و پاقژكه‌ر، و هه‌رگاڤا ئاڤ ب ده‌ست مه نه‌كه‌فت، ئه‌م خۆ پێ پاقژكه‌ين و ده‌ستنڤێژا خۆ بشۆين، هنگى ئاخ جهێ ئاڤێ دگريت و پاقژكه‌ره، و دێ ته‌يه‌موم هێته گرتن، و ئه‌ڤه ژ تايبه‌تمه‌نديێت ڤێ ئومه‌تێنه، هۆسا دياره دبيت قوتابيان چو ئارێشه نينن، و دورسته نڤێژێت خۆ ل سه‌ر رحلان بكه‌ن. به‌لێ رێڤه‌به‌رێت خواندنگه‌هان و رێڤه‌به‌رێت په‌روه‌ردێ دێ چ بێنه خودايێ خۆ و دێ چ جه‌واب و به‌رسف وان هه‌بيت، هۆسا د خه‌مساربن و جهه‌كێ ده‌ستنيشان و تايبه‌ت نه‌كه‌ن بۆ قوتابيان نڤێژێت خۆ تێدا بكه‌ن. ب راستى ئه‌و به‌رپرسيارن و دڤێت چاوا ئه‌و هزرا ژۆرا خۆ و يا هاريكارى و په‌رتۆكخانێ و جهێت دى دكه‌ن.. دڤێت هه‌ر وێ پلێ هه‌كه پتر نه ئه‌و هزرا جهێ نڤێژان بكه‌ن، هه‌كه د گونه‌هكارن و خودێ چێتر دزانيت.
