به‌رسڤێت دور نڤێژێ و پرسێت پێڤه‌ گرێداى

ب / ئه‌و جهێت پێغه‌مبه‌رێ خودێ (سلاڤێت خودێ لێ بن) نه‌هى كرى نڤێژ لێ بێته‌كرن، ئه‌ڤه‌نه‌: گيفك و قه‌سابخانه‌ و گۆرستان و سه‌ر رێكێ، و جهێ ده‌ستئاڤێ و سه‌رشويشتنێ، و مه‌خه‌لێ حێشتران، و سه‌ر كه‌عبێ، به‌لێ زانايێت مالكيان دبێژن: ڤێ نه‌هيێ ئه‌گه‌رێ خۆ يێ هه‌ي، ژبه‌ر وى ئه‌گه‌رى نابيت نڤێژ ل وان جهان بێته‌كرن، و هه‌كه‌ ئه‌و ئه‌گه‌ر نه‌ما دورسته‌ نڤێژ بێته‌كرن. ئه‌و ئه‌گه‌ر ژى د راستا گيفك و قه‌سابخانه‌ و گۆرستان و سه‌ر رێكێ و جهێ ده‌ستئاڤێ و سه‌رشويشتنێ و مه‌خه‌لێ حێشتران ئه‌ڤه‌يه‌: ترسا هندێ ئه‌و جه د پيس بن، هه‌رگاڤا تو پشتراست بووى، ئه‌و جه د پاقژن، دورسته‌ نڤێژ لێ بێته‌كرن. و هنده‌ زانا دبێژن: نه‌هيا نڤێژكرنێ ل سه‌ر رێكێ دا رێك ل خه‌لكى ته‌نگ نه‌بيت، به‌لێ ئه‌گه‌رێ نه‌هيا نڤێژكرنێ ل سه‌ر كه‌عبێ چونكى ئه‌ڤه‌ دگه‌ل رێزگرتن و حورمه‌تا كه‌عبێ ناگونجيت كه‌عبه‌ ل بن پێت مرۆڤى بيت و خودێ چێتر دزانيت.