ب / مه‌رجێت دورستيا نڤێژێ چارن، ئێك: پاقژيه، دوو: وه‌ختێ نڤێژێ هاتبيت، سێ: ڤه‌شارتنا شه‌رمگه‌هێ (عه‌وره‌تى)، چار: به‌رێخۆدانا قيبلێ، و دڤێت ئه‌ڤ مه‌رجه به‌رى نڤێژێ هه‌بن، و ئه‌و نڤێژا ئێك ژ وان تێدا نه‌بيت نه‌يا دورسته، فه‌ره ئه‌م رۆنكرنه‌كا كورت بده‌ينه سه‌ر هه‌ر مه‌رجه‌كى دا بزانين مه‌خسه‌د ب هه‌ر ئێك ژ ڤان مه‌رجان چيه:
مه‌رجێ ئێكێ: پاقژيه، مه‌خسه‌د ژى پێ هه‌ردوو جوينێت پاقژيێنه، يا به‌رچاڤ و نه به‌رچاڤ (الحسي والمعنوي):
أ ـ پاقژيا نه‌به‌رچاڤ: مه‌خسه‌د پێ له‌ش يێ پاقژ بيت ژ جه‌نابه‌ت و بێ نڤێژى و چلكان و يێ ب ده‌ستنڤێژ بيت.
ب ـ پاقژيا به‌رچاڤ: ئه‌وه جلك و جهێ نڤێژێ و له‌ش يێ پاقژ بيت و چو پيساتى پێڤه نه‌بيت.
