1 ـ ئه‌گه‌ر نڤێژ هاته‌كرن و نڤێژكه‌رى ژبيركر كو پيساتى يا ب جلكێت ويڤه، و پشتى ژ نڤێژێ ده‌ركه‌فتى ژ نوى هاته بيرێ، نڤێژا وى يا دورسته و دوباره ناكه‌ته‌ڤه.
2 ـ ئه‌گه‌ر نڤێژكه‌ر ل سه‌ر نڤێژێ پێ حه‌سيا پيساتى يا ب جلكێت ويڤه، هندى پێ چێ بيت دێ ژێڤه‌كه‌ت و نڤێژا خۆ دێ تمام كه‌ت.
3 ـ جلكێت بێ نڤێژيێ (يێت عادێ) هه‌كه خوين پێڤه نه‌بيت دورسته نڤێژ پێڤه بێته‌كرن.
4 ـ ژنا بچويك شير دشێت ب وى جلكى نڤێژێ بكه‌ت، ئه‌وێ بچويكێ وێ هلاڤێتيه پێڤه.
5 ـ كێمه‌كا خوينێ كارتێكرنێ د پاقژيا جلكى و له‌شيدا ناكه‌ت.
6 ـ جلكێت شۆلى هه‌كه پيساتى پێڤه نه‌بيت دورسته نڤێژ پێڤه بێته‌كرن.
مه‌خسه‌د ب جهى ئه‌وه: ئه‌و عه‌ردێ نڤێژ ل سه‌ر دئێته‌كرن، ئه‌و جهێ ئه‌ندامێت له‌شێ وى دگه‌هنێ و جلكێت وى دكه‌ڤنه سه‌ر.
مه‌رجێ دووێ: وه‌ختێ نڤێژێ هاتبيت:
دڤێت نڤێژ د وه‌ختێ خۆدا بێته‌كرن، و وه‌خت ب ڤان رێكان دئێته زانين:
1 ـ ب زانينه‌كا دورست و ب نيشانه‌كا به‌رچاڤ.
2 ـ ب لێگه‌ريان و ئيجتيهادێ.
3 ـ ب چاڤلێكرنا ئێكي كو جهێ باوه‌ريێ بيت وه‌كى بانگده‌هى.
مه‌رجێ سيێ: ڤه‌شارتنا شه‌رمگه‌هێ (عه‌وره‌تى).
شه‌رمگه‌ه جهێ شه‌رمێيه ژ ژن و مێران.
و تخويبێ شه‌رمگه‌ها زه‌لامى د ناڤبه‌را چۆك و نافكێدايه، و يێ ژنێ له‌ش هه‌ميه ژبلى سه‌روچاڤ و له‌پان، و ل ده‌ف حه‌نه‌فيان، پێ ژى ناكه‌ڤنه د بن شه‌رمگه‌هێڤه.
مه‌رجێ چارێ: به‌رێخۆدانا قيبلێيه: ئه‌ڤه بۆ وى يێ ل وێرێ و ببينيت، به‌لێ يێ ل وێرێ نه‌بيت، دێ به‌رێ خۆ ده‌ته سه‌متا قيبلێ.
