ب / ل دويف بۆچۆنا جمهورێ زانايان، پێ ژنێ عه‌وره‌ته، و دڤێت بێته ڤه‌شارتن؛ ژبه‌ر حه‌ديسا دايكا مه موسلمانان ئوم سه‌له‌مه دبێژيت: من گۆته پێغه‌مبه‌رى (سلاڤێت خودێ لێ بن) ئه‌رێ دورسته ژن نڤێژێ ب قه‌ميسى (دشداشه‌ى) و ده‌رسۆكێ بكه‌ت، و ئيزار ل به‌ر نه‌بيت؟ گۆت: ((به‌لێ، هه‌كه قه‌ميس يێ فره‌ه بيت و پشتا پێت وێ بگريت))، ژبه‌ر ڤێ حه‌ديسێ جمهورێ زانايان دبێژن: دڤێت ژن پێت خۆ ڤه‌شێريت، ب هه‌ر تشتێ هه‌بيت، ب دشداشێ خۆ، يان ب گۆرێ، يان ب شه‌ملكێ، يان ب هه‌ر تشته‌كێ هه‌بيت.
به‌لێ زانايێت حه‌نه‌فى خودێ ژ وان رازى بيت دبێژن: ڤه‌شارتنا پيان ل سه‌ر ژنێ نه‌واجبه، و هه‌كه نڤێژ كر و پێت وێ ديار.. نڤێژا دورسته؛ چونكى پێ ل ده‌ف وانا نه‌عه‌وره‌ته، و ئه‌مرێ پێغه‌مبه‌رى (سلاڤێت خودێ لێ بن) ئه‌ڤه ژ بابه‌تێ سونه‌ت و ئستيحبابێيه نه‌واجبه و خودێ چێتر دزانيت.
