ب / هه‌ركه‌سێ گول بانگى ببيت سونه‌ته به‌رسڤا وى بده‌ت، چ ژن چ زه‌لام يێ ب ده‌ستنڤێژ و يێ بێ ده‌ستنڤێژ، يێ پاك و پاقژ و يێ ب جه‌نابه‌ت، ژنا د عادێدا و يا نه د عادێدا و ژنا ب چلك و نه‌يا ب چلك، به‌س ده‌مێ مرۆڤ ل سه‌ر ده‌ستئاڤێ يان د نڤێژێدا بيت به‌رسڤا بانگى ناده‌ت، به‌لكى هه‌تا د نڤێژێدا جهێ نه‌لێكيا زانايانه.
هندى هند خێرا به‌رسڤا بانگى يا مه‌زنه له‌وا پێدڤيه مرۆڤ وێ خێرێ ژ خۆ نه‌كه‌ت و به‌رسڤ ژى ب ڤى ره‌نگيه:
وه‌كى بانگده‌هى دێ بێژي، هه‌تا دگه‌هيته: (حي على الصَلاه، حي على الفلاح)، شوينا وان دێ بێژى: (لا حوْل وَلا قُوَّه إلاَّ باللَّهِ) و دويماهيێ ژى دێ بێژى: (اللَّهُمَّ رَبَّ هذهِ الدَّعوه التَّامَّه، والصلاه الْقَائِمه، آت مُحَمَّداً الْوسِيلَه، والْفَضيِلَه، وابْعپهُ مقَامًا محْمُوداً الَّذي وعَدْتَه). ئانكو: يا خودێ خودانێ ڤێ گازيا ته‌كويز و بێ كێماسى، و خودانێ ڤێ نڤێژا دهێته‌كرن (يان نڤێژا هه‌ر دێ مينيت) وه‌سيله‌يێ (جهێ تايبه‌ت ژ به‌حه‌شتێ) و پله‌يا تايبه‌ت بده موحه‌ممه‌دى و بگه‌هينه جهێ په‌سندكرى [ئه‌و جهێ شوكرا وى تێدا دئێته‌كرن رۆژا مه‌هده‌را مه‌زن] ئه‌و جهێ ته په‌يمان پێ دايێ. پێغه‌مبه‌ر (سلاڤێت خودێ لێ بن) دبێژيت: هه‌ركه‌سێ داخوازا وه‌سيلێ بۆ من بكه‌ت، به‌ره‌ڤانى و مه‌هده‌ريا من بۆ واجب بوو.. و د ريوايه‌ته‌كا ديدا دبێژيت: هه‌ركه‌سێ ل بانگى ڤه‌گێريت و شوينا (حي على الصَلاه، حي على الفلاح) بێژيت: (لا حوْل وَلا قُوَّه إلاَّ باللَّهِ) ئه‌و چۆ به‌حه‌شتێ. و بانگێ سپێدێ ده‌مێ بانگده‌ر دبێژيت: (الصلاه خير من النوم) دێ بێژى: صدقت وبررْتَ او بَرَرْتَ، ئانكو: ته راست گۆت و ته باش كر، يان ته راست گۆت و تو بوويه خودان خێره‌كا مه‌زن و خودێ چێتر دزانيت.
