ب / هه‌كه جه‌ژن كه‌فته د رۆژا ئه‌ينيدا هنده‌ك زانا دبێژن: ماده‌م نڤێژا جه‌ژنێ و خوتبا وێ هاته‌كرن، خوتبه ل سه‌ر موسلمانان واجب نابيت و موسلمانان ماف يێ هه‌ى خوتبێ نه‌كه‌ن و نڤێژا نيڤرۆ ژى ل سه‌ر واجب نينه، هه‌روه‌كى عه‌تاء(خودێ ژێ رازى بيت)، و كۆمه‌كا زانايان ڤێ دبێژن. به‌لێ ل ده‌ف حه‌نبه‌ليان نڤێژا نيڤرۆ فه‌رزه و دڤێت هه‌ر بكه‌ن، چ نڤێژا عه‌يدێ كربيت يان نه.
و هنده‌ك زانايێت دى دبێژن: نڤێژا خوتبێ خه‌لكێ گوندان تنێ ناكه‌ت ئه‌وێت هاتين نڤێژا عه‌يدێ حازر بووين. ئانكو: به‌س بۆ خه‌لكێ گوندان هه‌يه ئه‌ڤێت مزگه‌فت ل گوندێت وان نه، هه‌كه نڤێژا عه‌يدێ ل باژێرى كرن ئه‌و بۆ خوتبێ جاره‌كا دى نه‌زڤرنه‌ڤه، و ئه‌ڤه ره‌ئيا ئيمامێ شافعيه، به‌لێ ئيمامێ مالك و ئه‌بو حه‌نيفه دبێژن: هه‌ردووكان دڤێت يێ بالغ بكه‌ت و نڤێژا عه‌يدێ وه‌كو سونه‌ت و نڤێژا خوتبێ وه‌كو واجب و سونه‌ت جهێ واجبى ناگريت و خودێ چێتر دزانيت.
