ب/ ب راستى زانا ل سه‌ر هژمارا پێدڤى بۆ نڤێژا خوتبێ نه‌ئێكن، هنده‌كان چل مرۆڤ مه‌رج بۆ داناينه و هنده‌كان پتر و هنده‌كان كێمتر. و زانا ئبن حه‌جه‌ر(خودێ ژێ رازى بيت)، د فه‌تحێدا گه‌هاندينه پازده بۆچۆنان، به‌لێ يا دورستتر و به‌لگه بۆ شاده‌يێ دده‌ن ب دوويان و پتر خودبه دهێته‌كرن، ژبه‌ر گۆتنا پێغه‌مبه‌رێ خۆشتڤى (سلاڤێت خودێ لێ بن) دبێژيت: ((اثنَانِ فما فَوْقَهُمَا جَمَاعَه)) ئانكو: دوو و پێهه‌لتر جه‌ماعه‌تن، هه‌لبه‌ت حه‌ديس حاكمى و ئبن ماجه‌ى و داره‌قوتنى ڤه‌گێرايه، و شه‌وكانى دبێژيت: ئيجماعا چێبووى ب دوويان نڤێژا ب جه‌ماعه‌ت دهێته‌كرن، و نڤێژا خوتبێ ژى نڤێژه و ژ نڤێژان ناهێته جوداكرن ب به‌لگه نه‌بيت، و به‌لگه‌نينه چونكى هه‌مى حه‌ديسێت ل سه‌ر بازنكرنا هه‌ژماران دورستيا وان نه‌هاتيه زانين، ژبه‌ر ئه‌ڤا بۆرى ئه‌م دبێژين: نڤێژا خۆ نه‌كه‌نه‌ڤه و نڤێژ يا دورسته و هه‌وجه نينه نڤێژا نيڤرۆ بێته‌ڤه‌كرن، و هه‌كه هاته‌كرن ئه‌ڤه دوو فه‌رز بۆ وه‌خته‌كى هاتنه‌كرن و ئه‌ڤه د شه‌ريعه‌تيدا نه‌هاتيه زانين و خودێ چێتر دزانيت.
