ب/ ده‌ستپكێ دڤێت ئه‌م ب زانين نڤێژا خوتبێ ل سه‌ر زه‌لامى واجبه، نه ل سه‌ر ژنێ، به‌لێ بۆ ژنێ هه‌يه بچيته خوتبێ و خوتبه جهێ نڤێژا نيڤرۆ دگريت، به‌لێ دڤێت ژن رێز و ره‌وشتێت ده‌ركه‌فتنێ رابگريت، و ئه‌ڤرۆ ژن بۆ هه‌مي مه‌يدانا يا ده‌ردكه‌ڤيت نه‌يا دورسته ئه‌م رێكا مزگه‌فتێ لێ بگرين، نه‌خاسمه هه‌كه ئنيه‌ت نه‌به‌س نڤێژ ب تنێ بيت، به‌لكى دگه‌ل نڤێژێ گوهدانا شيره‌ت و ئاخفتنا خێرێ بيت، به‌لێ بۆ ڤێ ئنيه‌تێ يا خودان خێره و دڤێت ده‌ستويرى ژ سه‌ميانێت وان بۆ بێنه دان، و ئه‌ز نابينم سه‌ميانى هێجه‌ت هه‌بيت نه‌هێليت نه‌خاسمه مزگه‌فت و هۆلێت ژنان د جودانه و تێكه‌لى چێ نابيت، و هه‌كه ترسا تێكه‌ليێ و خرابيێ نه‌ما رێگرتن ژى دڤێت نه‌مينيت و خودێ چێتر دزانيت.
