ب : مه باوه‌ریا هه‌ی رۆژا قیامه‌تێ دێ د روژا ئه‌ینیدا هێت و رابیت، و ژبه‌ر هندێ هه‌ر جارا رۆژا ئه‌ینی دهێت هه‌می جیانه‌وه‌ر تێدا ب ترسن و گهوهداریێ دكه‌ن، د ترسا هاتنا رؤژا قیامه‌تێ، به‌لێ مخابن مرۆڤ تێدا دبێ ئاگه‌هن، و های ژ خۆ نینه، و ل ده‌ف وان ئه‌و ژی وه‌كی هه‌می رۆژێت دییه، د ڤه‌گێرا حاكمیدا ژ ئه‌بو هوره‌یره خودێ ژێ رازی بیت هاتیه و دبێژیت: ئه‌ڤ ڤه‌گێره یا دورسته و ل دویف مه‌رجێ بوخاری و موسلمییه و وان نه ئینایه و ئه‌لبانی ژی د (ارواء الغلیل)ێدا دورست دانایه دبێژیت: پێغه‌مبه‌ر سلاڤێت خودێ ل سه‌ربن گۆت: (خير يوم طلعت فيه الشمس يوم الجمعة فيه خلق آدم وفيه أهبط وفيه تيب عليه وفيه مات وفيه تقوم الساعة وما من دابة إلا وهي مصيخة يوم الجمعة من حين يصبح حتى تطلع الشمس شفقا من الساعة إلا الجن والإنس وفيها ساعة لا يصادفها عبد مسلم وهو يصلي يسأل الله شيئا إلا أعطاه إياه) خێرترين رۆژ، رۆژ ل سه‌ر هه‌لاتى رۆژا ئه‌ينييه: د وێدا ئاده‌م يێ هاتيه چێكرن، و د وێدا د دنیایێدا يێ هاتيه خار ـ دا ئاڤا بكه‌ت ـ و د وێدا توبه یا دایه سه‌ر، و د وێدا یێ مری، و د وێدا رۆژا قیامه‌تێ دێ رابیت، و گیانه‌وه‌ر نینه هه‌كه ئه‌و تێدا یێ گوهدار نه‌بیت ژ سپێده بوونا وێ هه‌تا رۆژ دهه‌لێت، مرۆڤ ئه‌جنه نه‌بن، د ترسا هاتنا رۆژا قیامه‌تێدا، وه‌خته‌ك يێ د رۆژا ئه‌ينيدا هه‌ى، نينه به‌نده‌يه‌كێ موسلمان بكه‌ڤيته تێدا، و ئه‌و نڤێژێ بكه‌ت، و دوعا ژ خودێ بكه‌ت، هه‌كه خودێ تشتێ داخوازكرى نه‌ده‌تێ.
