ب : هه‌كه خوتبێ شوینا نڤێژا نیڤرو ب دانین و ئه‌ڤه بوچونا جمهورێ زانایانه راتبێت وێ راتبیت نڤێژا نیڤرۆنه و چۆ جوداهی نینه و هه‌كه ئه‌م نڤێژه‌كا جودا و خوسه‌ر و نه شوینا نیڤرۆ بدانین هه‌روه‌كی حه‌نبه‌لی خودانێت ڤێ بوچونێنه هنگی به‌ری خوتبێ هندی بكه‌ت دورسته و نه یێت سنوردارن به‌لێ نه راتیبه‌نه سونه‌تێت ئاسایینه چونكی پێغه‌مبه‌ر سلاڤێت خودێ ل سه‌ربن د ڤه‌گێرا موسلمیدا دبێژیت: (من اغْتَسَلَ ثُمَّ أتى الْجُمُعَةَ فَصَلَّى ما قُدِّرَ له) كا شیا چه‌ندا بكه‌ت بێ توخیبكرن بلا بكه‌ت و پشتێ نڤێژا خوتبێ كا چه‌ند ركعه‌تن جهێ جودابونیه ل سه‌ر پێنج گۆتنان دناڤبه‌را زانایاندا دوو ركعه‌تن و چارن و ژێگرتن دنه‌ڤبه‌را دوویان و چاراندا و هه‌كه ل مزگه‌فتێ كرن چارن و هه‌كه ل مالكرن دوونه و شه‌شن و بۆچونا ب هێزتر ل مزگه‌فتێ چوارن و ل مال دوونه و ئه‌ڤ كاره ئبن عومه‌ری خودێ ژێ رازی بیت دكر هه‌ر وه‌كێ ده‌ف ئه‌بو داودی هاتی و ئه‌ڤه ژێگرتنا ئبن ته‌یمییه و ئبن قه‌یمیه‌یه خودێ ژ هه‌ردویان رازی بیت و خودێ چێتر دزانیت.
