ب/ يێ رژد بيت ل سه‌ر خێرا رێزێت ئێكێ، دڤێت له‌زێ ل هاتنا خۆ بكه‌ت و زوى به‌ر ب مزگه‌فتێڤه بچيت، بۆ يێ هۆسا دێ خێرا له‌زێ و رێزێت ئێكێ هێته نڤێسين، به‌لێ يێ دره‌نگ بهێت دڤێت رێزا نه‌بريت و نه‌ده‌ته سه‌ر ستۆيێت خه‌لكى، و رێزا ژێكڤه‌نه‌كه‌ت دا بچيته سينگى، ئه‌ڤه يا خه‌له‌ته و نه‌يا دورسته، به‌لكى گونه‌هه، و د هنده حه‌ديساندا هاتيه: يێ بده‌ته سه‌ر ستۆيێت خه‌لكى و نڤێژكه‌ران، خوتبه بۆ حسێب نينه، به‌رێ خۆ بدێ كا پێغه‌مبه‌رێ خۆشتڤى (سلاڤێت خودێ لێ بن) بۆ وى چ دبێژيت يێ ڤى كارى بكه‌ت: عه‌بدوللايێ كورێ بوسرى خودێ ژێ رازى بيت)، دبێژيت: زه‌لامه‌ك هات و سه‌ر ستۆيانرا دچۆ رۆژا خوتبێ، و پێغه‌مبه‌رى (سلاڤێت خودێ لێ بن) خودبه دخواند، گۆتێ: ((روينه خوار.. ب راستى تو دره‌نگ هاتى و ته ئه‌زيه‌ت كر))، هه‌لبت حه‌ديس ئه‌بو داوود و نه‌سائى و ئه‌حمه‌د ڤه‌گێرايه، و ئبن خوزه‌يمه دورستكريه و خودێ چێتر دزانيت.
