ب/ جارێ دڤێت ئه‌م بزانين كۆمكرنا مرۆڤان ل سه‌ر گوهداريكرنا قورئانێ كاره‌كێ دورسته و ب خێره، و بزانين گه‌له‌ك فه‌رمانێت شه‌رعى ب زه‌مانێ خۆڤه د گرێداينه و گوهۆرينا زه‌مانى فه‌رمان دگوهۆريت، و گه‌له‌ك ب هه‌وجه‌يێڤه د گرێداينه، ژ وان: خواندنا قورئانێ ل سه‌رده‌مێ عه‌بدولمه‌لكێ كورێ مه‌روانى سالا (68 مش) هاتيه زانين، فه‌رمان ب خواندنا قورئانێ ل مزگه‌فتا هاتيه‌كرن ل سه‌ر بنياتێ هه‌وجه‌يێ، ديت به‌رى خوتبێ قه‌ره‌بالغ دورست دبوو، و ده‌نگ بلند و تێكه‌ل دبوون، ڤيا ڤى كراسى چاره‌سه‌ركه‌ت، و روينشتنا موسلمانان رێكبێخيت، ئه‌ڤ فه‌رمانه دا، و ئه‌ز دبينم هه‌ر ئه‌و هه‌وجه‌ييه يا به‌رده‌وامه، له‌وا دورسته قورئان بێته خواندن، و ژبلى ڤێ ژى گه‌له‌ك كه‌سێت هه‌ين دڤێن ده‌نگێ ئيسلامێ كز بكه‌ن و بلند نه‌بيت، خواندنا رۆژا ئه‌ينى يان شه‌ڤا ئه‌ينى رێكێ ل ڤێ چه‌ندێ دگريت.
ب راستى ئالۆزى و گرفتاريێت دنيايێ خه‌لك ژ ئه‌رك و واجبێت وان يێت ئايينى يێت بێ ئاگه‌هكرين، ئه‌ڤ خواندنه دهێت دا وان هشياركه‌ت، و ژبلى ڤێ هه‌ميێ چو به‌لگه و ده‌ليل ل سه‌ر نه‌دورستيا وێ نينن، و چو نه‌هى ل سه‌ر نه‌هاتيه زانين، و وه‌كى چو به‌لگه ل سه‌ر نه‌دورستيا وێ نه‌بن حوكمێ خواندنا قورئانێ ل سه‌ر بنياتێ خۆ يێ ره‌سه‌ن دێ مينيت، هه‌ر ئه‌ڤ پسياره ژ نه‌وه‌وى(خودێ ژێ رازى بيت)، هاته‌كرن، گۆت: هه‌كه فايدێ خواندنێ پتر بيت ژ زيانا دكه‌ت.. خواندن ب خێرتره، و ئه‌ز دبێژم ئه‌ڤرۆ ـ نه‌خاسمه هه‌كه خواندنه‌كا دورست و ب ده‌نگه‌كێ خۆش بيت، فايدێ وێ پتره و خودێ چێتر دزانيت و خودێ چێتر دزانيت.
