ب / ده‌مێ ئيمام ب سه‌ر مينبه‌رێ كه‌فت و ده‌ست ب خوتبێ كر، دڤێت مرۆڤ خۆ ب چوڤه مژويل نه‌كه‌ت، و خۆ بێ ده‌نگ بكه‌ت و گوهداريا خوتبێ بكه‌ت، خۆ هه‌كه ئێك باخڤيت ژى دڤێت مرۆڤ ب ئيشاره‌تا بێژتێ خۆ بێدنگ بكه، و دگه‌ل نه‌ئاخڤيت، بێژيتێ: نه‌ئاخڤه، خۆ هه‌تا مرۆڤى گول ده‌نگێ ئيمامى نه‌بيت ژى. ل ده‌ف ئيمامێ شافعىخودێ ژێ رازى بيت)، سونه‌ته مرۆڤ هه‌ر يێ بێ ده‌نگ بيت، ژبه‌ر گۆتنا ئيمامێ عوسمان خودێ ژێ رازى بيت) دبێژيت: گوهێ خۆ بده‌نه خوتبێ، ئه‌و كه‌سێ گولێ نه‌بيت و گوهێ خۆ بده‌تێ و خۆ بێ ده‌نگكه‌ت هه‌ر ئه‌و خێر دێ بۆ وى هێته نڤێسين يا يێ گولێ دبيت و گوهێ خۆ بده‌تێ، به‌لێ هه‌كه تشته‌ك كر يان ئاخفت خوتبا وى لێيه يان نه؟ بارا پتر ژ زانا دبێژن: نڤێژا وى به‌تال نابيت.. به‌لێ كێماسى دكه‌فته د خوتبا ويدا، و دبيت ژ خێرا نڤێژا خوتبێ زربار ببيت و به‌س نڤێژا نيڤرۆ بۆ بێته حسێبكرن، ژبه‌ر ريوايه‌تا ئيمام ئه‌حمه‌دى و ئيمام به‌زارى ژ ئبن عه‌باسى خودێ ژێ رازى بيت) ڤه‌دگوهێزن: هه‌ر كه‌سێ رۆژا خوتبه باخڤيت و ئيمام ل سه‌ر مينبه‌رێ خوتبێ بخوينيت ((مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا بِئْسَ مَثَلُ الْقَوْمِ الَّذِينَ كَذَّبُوا بِآيَاتِ اللَّهِ وَاللَّهُ لَا يَهْدِي الْقَوْمَ الظَّالِمِينَ )) مه‌ته‌لا وان وه‌كى مه‌ته‌لا كه‌ريه ئه‌وێ باره‌كى كتێبان ل سه‌ر پشتێ و نوزانيت چيه ل سه‌ر پشتێ، به‌لێ زانايان ئاخفتنا هه‌وجه‌يێ و پێدڤى بۆ هه‌ي يا دورستكرى، وه‌كى هه‌كه: ئێكێ كۆره هات تو ده‌ستێ وى بگرى و وى هشيار بكه‌ى، يان ده‌مێ تو ب ژۆر دكه‌ڤى و ئيمام خوتبێ دخوينيت دورسته تو دوو ركاعه‌تێت سلاڤا مزگه‌فتێ بكه‌ى، يان ژى بێهنژى و بێژى (الحمد لله). ديسا دورسته ده‌مێ ناڤێ پێغه‌مبه‌رێ خۆشتڤى (سلاڤێت خودێ لێ بن) دهێت تو سلاڤان بده‌يه سه‌ر.
پشتى ڤێ.. ئه‌ز دبينم نڤێسينا سه‌ردێر و خالان هه‌كه مرۆڤى مژويل نه‌كه‌ن و هشێت مرۆڤى ژ خوتبێ نه‌ره‌ڤينن، دورسته، چونكى موخالفى حيكمه‌ت و نهێنيا فه‌رمانا پێغه‌مبه‌رێ خۆشتڤى (سلاڤێت خودێ لێ بن) ناكه‌ت، چونكى ده‌مێ ئه‌مرێ مه دكه‌ت ئه‌م خۆ بێ ده‌نگ بكه‌ين هه‌ر ژبه‌ر هندێيه دا تێ بگه‌هين و فايده ژ خوتبێ بكه‌ين، و نڤێسينا خال و سه‌ردێرا ب وى مه‌رجێ مه گۆتى هه‌ر ڤێ ئارمانجێ دئينيته جه و خودێ چێتر دزانيت.
