ب : هه‌كه رۆژا خوتبه كو ئه‌و ژی جه‌ژن دهێته هه‌ژمارتن كه‌فته ل گه‌ل جه‌ژنا ره‌مه‌زانێ یان یا قوربانێ و یان ئه‌ڤ جه‌ژنه كه‌فتنه دخوتبێدا كا هه‌ردوو دێ هێنه‌كرن، خوتبه ژی و نڤێژا جه‌ژنێ ژی؟ یان دورسته یێ نڤێژا جه‌ژنێ كر نه هێته نڤێژا خوتبێ؟ ئه‌ڤه جهێ لێكجوادبوونا زانایانه د پتر د بوچونه‌كێدا:
ئیك: كرنا ئێك ژ وان جهێ یا دی ناگریت و هه‌رئێك د جهێ خودایه و حوكمێ هه‌ردووكان ژی ژێك جودایه نڤێژا جه‌ژنێ سونه‌ته و نڤێژا خوتبێ فه‌رزه ڤێجا چاوا دێ جهێ ئێك گرن و ئه‌ڤه بۆونا حه‌نه‌فیان و مالكیانه.
دوو: بۆ خه‌لكێ گوندان و ئه‌وێت دورماندورێت باژێرێ هه‌یه هه‌كه هاتنه خوتبا جه‌ژنا عه‌یدێ، ئه‌و نه‌هێنه خوتبێ چونكی؛ بۆ وان ب زحمه‌ته دووجاركی ئه‌و ل جهێت خۆ یێت دویر بهێنه باژێری؛ دا نڤێژا جه‌ژنێ بكه‌ن، و پاشی پشتی ده‌مه‌كێ كورت بێنه‌ڤه دا یا خوتبێ جاره‌كا دی بكه‌نه‌ڤه، و خودانێت ڤێ بۆچونێ ئه‌و حه‌دیسێت د ڤێ بواریدا هاتینه ل سه‌ر ڤی بنیاتی راڤه‌دكه‌ن دبێژن ئه‌و ده‌ستویریا پێغه‌مبه‌ری سلاڤێت خودێ ل سه‌ربن دایی یێ جه‌ژنێ هات خوتبێ نه‌هێت بۆ ڤانه؛ چونكی دوو هاتن د رۆژه‌كێدا و ژ دویر بۆ وان ب زحمه‌ته و ئه‌ڤه بوچونا شافعیانه.
سێ: یێ نڤێژا جه‌ژنێ ئامه‌دبیت بو هه‌یه نه‌هێته خوتبێ، و خوتبه ل سه‌ر فه‌رزنینه هه‌كه هات باشتره و هه‌كه نه‌هات ده‌ستویری وه‌رگرت، به‌لێ دڤێت نڤێژا نیڤرۆ چوار ركعه‌ت بكه‌ت و ئه‌ڤه بوچونا حه‌نبه‌لیانه و وان پشتبه‌ستن ب هژماره‌كا حه‌دیسان كرینه ژ وان: ( عن زيد بن أرقم رضي الله عنه أن معاوية بن أبي سفيان رضي الله عنه سأله: هل شهدت مع رسول الله صلى الله عليه وسلم عيدين اجتمعا في يوم واحد؟ قال: نعم، قال: كيف صنع؟ قال: صلى العيد ثم رخص في الجمعة، فقال: (من شاء أن يصلي فليصل) زه‌یدێ كورێ ئه‌رقه‌می خودێ ژێ رازی بیت دبێژیت موعاوییه‌ییێ كورێ ئه‌بو سوفیانی خودێ ژێ رازی بیت پسیار ژێ كر ئه‌رێ ته دوو جه‌ژن پێكه‌ڤه كومبیبن ل گه‌ل پێغه‌مبه‌ری سلاڤێت خودێ ل سه‌ربن دیتینه؟ من گۆت: به‌لێ، گۆت : چ دكر؟ گۆت: نڤێژا جه‌ژنێ كر و ده‌ستوری بۆ خوتبێ دا و گۆت: یێ بڤێت بكه‌ت بلا بكه‌ت. ئمام ئه‌حمد و ئه‌بو داود و نه‌سائی و حاكم و ئبن ماجه ڤه‌گێرایه و دیسا ڤه‌گێره‌كا دیدا هاتیه ئه‌بوهوریره دبێژیت: پێغه‌مبه‌ری سلاڤێت خودێ ل سه‌ربن گۆت د رۆژا هه‌وه‌دا ئه‌ڤرۆدا دوو جه‌ژن یێت كومبوین هه‌چیێ بڤێت جهێ خودبێ بۆ گرت و ئه‌م دێ خوتبێ كه‌ین (قد اجتمع في يومكم هذا عيدان، فمن شاء أجزأه من الجمعة، وإنا مجمعون ) هه‌لبه‌ت ئمام حام و ئه‌بو داود و ئبن ماجه و به‌یهه‌قی ڤه‌گێرایه.
و دویماهیێ ئه‌ز بۆچونا ئیمام ئه‌حمه‌د ب هێزتر دبینم به‌لێ ئیمام دڤێت خوتبێ بكه‌ت؛ چونكی پێغه‌مبه‌ری سلاڤێت خودێ ل سه‌ربن نه‌هێلایه و ژ به‌هندێ زانا دبێژن دده‌ر هه‌قێ نڤێژكه‌راندا ده‌ستویریه هه‌كه نڤێژا جه‌ژنێ ئاماده‌بۆ یا خوتبێ نه‌هێت به‌لێ ئیمام دڤێت بهێت، دا ئه‌و كه‌سێت دڤێت خوتبێ بكه‌ن بشێن بكه‌ن، و ئه‌وێ دڤێت ده‌ستویریێ وه‌رگریت و نه‌هێته خوتبێ دورسته به‌لێ دڤێت ئه‌و هنگی نڤێژا نیڤرۆ چوار ركعه‌ت بكه‌ت و هه‌كه بهێته نڤێژا خۆتبێ ژی باشتره و خودێ چێتر دزانیت.
