ب : رۆژا خوتبه رۆژه‌كا زیده پیرۆزه و یا پر خێر و به‌ره‌كه‌ته ژ به‌رهندێ دڤێت ئه‌م خه‌مێ ژێ بخوین؛ دا بگه‌هینه وان خه‌لاتێت خودایێ مه‌زن ب خوتبێڤه گرێداین، ژوان چونا به‌روره‌خت، و زوی بچین دا بگه‌هینه وێ خێرێ و چونا خۆ گێرو نه‌كه‌ین و نه ڤه‌هێلین هه‌روه‌كی هنده‌ك موخابن وه‌دكه‌ن و خۆ ژ ڤێ خێرێ بێ باردكه‌ن بوخاری و موسلم ژ ئه‌بو هورێره‌ی خودێ ژێ رازی بیت ڤه‌دگوهێزن، دبێژیت: (مَن اغْتَسَلَ يَـوْم الجُمُعَةِ غُسْلَ الجنَابَةِ، ثُمَّ رَاحَ في الساعة الأولى، فكَأَنَّمَا قرَّبَ بَدنَةً، ومنْ رَاحَ في السَّاعَةِ الثَّانِيَة، فَكأنَّما قَرَّبَ بَقَرَةً، وَمَنْ رَاحَ في السَاعَةِ الثَالِثةِ، فَكأنَّما قَرَّبَ كَبْشاً أَقرَنَ، ومنْ رَاحَ في السَّاعَةِ الرَّابِعةِ، فَكأنَّما قَرَّبَ دَجَاجَةً، ومنْ رَاحَ في السَّاعَةِ الخامِسةِ فَكأنَّما قَرَّبَ بيْضَةً، فَإِذا خَرَج الإِمامُ، حَضَرَتِ الملائِكَةُ يَسْتمِعُونَ الذِّكرَ) هه‌ركه‌سێ رۆژا خوتبه سه‌رێ خۆ بشۆت، وه‌كى سه‌رشويشتنا جه‌نابه‌ى، پاشى وه‌ختێ ئێكێ بچيته خوتبێ هه‌روه‌كى حێشتره‌ك كريه خێر، و يێ سه‌عه‌تا دويێ بچيت هه‌روه‌كى چێله‌ك كريه خێر، و يێ سه‌عه‌تا سێيێ بچيت هه‌روه‌كى به‌رخه‌كێ ب شاخ كريه خێر، و يێ سه‌عه‌تا چارێ بچيت هه‌روه‌كى مريشكه‌ك كريه خێر، و يێ سه‌عه‌تا پێنجێ بچيت هه‌روه‌كى هێكه‌ك كريه خێر، و هه‌كه ئيمام رابوو دا خوتبێ بخوينيت ملياكه‌ت به‌رهه‌ڤ دبن دا گوهێ خۆ بده‌نه زكرى.
و كا ئه‌ڤ ده‌مه كه‌نگی ده‌ست پێ دكه‌ت جهێ نه وه‌كهه‌ڤێێه دناڤه‌به‌را زانایاندا ل سه‌ر سێ بوچونان:
ئێك: ئه‌ڤ ده‌مه ژ ده‌ستپێكا هه‌لاتنا رۆژا ئه‌ینی ده‌ستپێدكه‌ت هه‌تا ئیمام ده‌ست ب خوتبێ دكه‌ت ڤێجا ڤی ده‌می بكه پێنج پشك یێ پشكا ئێكێدا هات چ ل سه‌رێ وێ یان ل نیڤا وێ یان دوكاهیكا وێ به‌ری دویماهیك بهێت ئه‌ڤه وی هه‌روه‌كی حێشتره‌ك كریه خێر و هوسا، به‌لێ ئه‌ز ڤێ بوچونێ ب هێز نا بینم چونكی نه‌هاتیه زانین پێغه‌مبه‌ر سلاڤێت خودێ ل سه‌ربن یان صه‌حابه دڤی ده‌میدا چوبنه خوتبێ و ئه‌و ل سه‌ر خێرێ گه‌له‌كێت رژدبوون و یێت لێ هشیاربوون.
دوو: ئه‌ڤ ده‌مه ژ هه‌لاتنا رۆژێ ده‌ستپێدكه‌ت هه‌تا ئیمام ده‌ست ب خوتبێ دكه‌ت ڤێجا ڤی ده‌می بكه پێنج پشك یێ پشكا ئێكێدا هات چ ل سه‌رێ وێ یان ل نیڤا وێ یان دوكاهیكا وێ به‌ری دویماهیك بهێت ئه‌ڤه وی هه‌روه‌كی حێشتره‌ك كریه خێر و هوسا و ئه‌ڤه بوچونا شافعی و حه‌نبه‌لیانه.
سێ: ده‌ستثیكا ڤی ده‌می ژ ده‌ستپێكا زه‌والێیه ئانكو ژ ده‌ستپێكا دبیته ده‌مێ بانگی هه‌تا ئیمام دچیته سه‌ر مینبه‌رێ ڤێجا كا ئه‌و ده‌م چه‌نده بكه پێنج پشك پشكا ئێكێ سه‌عه‌تا ئێكێیه و یا دویێ سه‌عاتا دویێه و هوسا و ئه‌ڤه بوچونا مالكیانه و شه‌وكانی ڤێ بۆچونێ ب هێزتر ددانیت چونكی پێغه‌مبه‌ر سلاڤێت خودێ ل سه‌ر بن به‌رده‌وام ل گه‌ل زه‌والێ بو خوتبێ ده‌ردكه‌فت و خودێ چێتر دزانیت.
