ب : جاره‌كێ مه‌به‌ست ب سه‌عه‌تێ نه ئه‌و ده‌مه یێ سنوردایی یێ ڤێگاڤێ د سه‌رێ مه‌دا، به‌لكی مه‌به‌ست ژێ ده‌مه‌كه ڤێجا كا ئه‌و ده‌م چه‌نده خودێ دزانیت، و پاشی بێگۆمان رۆژا ئه‌ینی ژ هه‌می رۆژان بهاتره هه‌روه‌كی ئه‌ڤه د ڤه‌گێرا موسلمیدا ژ ئه‌بو هوره‌ره خودێ ژێ رازی بیت هاتی دبێژیت: پێغه‌مبه‌ر سلاڤێت خودێ ل سه‌ربن دبێژیت: (خيْرُ يوْمِ طلعَتْ عَلَيْهِ الشَّمْسُ يَوْمُ الجُمُعَةِ: فِيهِ خُلِقَ آدمُ، وَفيه أُدْخِلَ الجَنَّةَ، وفيه أُخْرِجَ مِنْهَا) خێرترین رۆژ، رۆژ ل سه‌ر هه‌لاتی رۆژا ئیینێیه: د وێدا ئاده‌م یێ هاتیه چێكرن، و دوێدا یێ كریه د به‌حه‌شتێدا، و دوێدا یێ ژێ هاتیه ده‌رێخستن و ژ قه‌در و بهایێ ڤێ رۆژێ ده‌مه‌كێ كریه تێدا دوعا تێدا دهێنه قه‌بویلكرن و وه‌رگرتن، ده‌ڤه‌گێرا بوخاری و موسلمیدا ژ ئه‌بو هوره‌یره خودێ ژێ رازی بیت هاتیه دبێژیت پێغه‌مبه‌ری سلاڤێت خودێ ل سه‌ربن به‌حسێ رۆژا ئه‌ینی كر و گۆت : (فِيها سَاعَةٌ لا يُوَافِقها عَبْدٌ مُسلِمٌ، وَهُو قَائِمٌ يُصَلِّي يسأَلُ اللَّه شَيْئاً، إِلاَّ أَعْطَاهُ إِيَّاه، وَأَشَارَ بِيدِهِ يُقَلِّلُهَا) وه‌خته‌ك يێ د رۆژا ئه‌ينيدا هه‌ى، نينه به‌نده‌يه‌كێ موسلمان بكه‌ڤيته تێدا، و ئه‌و ژ پياڤه بيت نڤێژێ بكه‌ت، و دوعا ژ خودێ بكه‌ت، هه‌كه خودێ تشتێ داخوازكرى نه‌ده‌تێ. و ئيشاره‌ت كره ده‌ستێ خۆ كێم دانا (ئانكو دياره‌كر ب ئيشاره‌تا ده‌ستێ خۆ ئه‌و وه‌خت يێ كێمه).
به‌لێ ئه‌و ده‌م كیشكه و یێ ده‌ستنیشانكریه یان نه، ئه‌ڤه جهێ نه‌لێكیا زانایانه بو پتر ژ بوچونه‌كێ یێت دورستتر دوونه و ئێك ژ یا دی ب هێزتره:
بوچونا ئێكێ: ئه‌ڤ ده‌مه ژ رونشتنا ئیمامی ل سه‌ر مینبه‌رێ ده‌ست پێ دكه‌ت هه‌تا نڤێژا ئه‌ینیێ دهێته‌كرن، و به‌لگه‌یێ ڤێ بوچونێ حه‌دیسا ئه‌بى بورده‌يێ كورێ ئه‌بى موسايێ ئه‌شعه‌ریه خودێ ژێ رازی بیت، دڤه‌گێرا موسلمیدا دبیژیت: عه‌بدوللايێ كورێ عومه‌رى گۆته من: ته گولێ بوويه بابێ ته تشته‌ك ل سه‌ر وه‌ختێ قه‌بويلبوونا دوعايێ يا رۆژا خوتبه‌یێ ژ پێغه‌مبه‌رێ خودێ سلاڤێت خودێ ل سه‌ربن ڤه‌گوهازتى؟ گۆت: من گۆت: به‌لێ، من گولێ بوو دگۆت: من گول پێغه‌مبه‌رێ خودێ بوو سلاڤێت خودێ ل سه‌ربن دگۆت: ئه‌و وه‌خت ئه‌وه يێ د ناڤبه‌را روينشتنا ئيمامى (ل سه‌ر مينبه‌رێ) هه‌تا نڤێژ خلاس دبيت.
دوو: ئه‌و ده‌م پشتی نڤێژا ئێڤارییه و ئه‌ڤه دیتنا عه‌بدوللایێ كورێ سه‌لامییه و ئه‌بو هوره‌یره و بوچونا ئیما ئه‌حمه‌ده و گه‌له‌كێت دی و ئه‌ڤ بوچونه ب هێزتره و به‌لگه‌یێ وان ڤه‌گێرا ئیمام ئه‌حمه‌دیه ژ ئه‌بی سه‌عیدێ خودری و ئه‌بو هوره‌یره خودێ ژ هه‌ردویان رازی بیت دبێژن پێغه‌مبه‌ری سلاڤێت خودێ ل سه‌ربن گۆت: (إِنَّ فِي الْجُمُعَةِ سَاعَةً لا يُوَافِقُهَا عَبْدٌ مُسْلِمٌ يَسْأَلُ اللَّهَ عَزَّ وَجَلَّ فِيهَا خَيْرًا إِلا أَعْطَاهُ إِيَّاهُ وَهِيَ بَعْدَ الْعَصْرِ) ب ڕاستی وه‌خته‌ك يێ د رۆژا ئه‌ينيدا هه‌ى، نينه به‌نده‌يه‌كێ موسلمان بكه‌ڤيته تێدا، و خێرێ تێدا ژ خودێ بخوازیت ئانكو دوعا ژ خودێ بكه‌ت، هه‌كه خودێ تشتێ داخوازكرى نه‌ده‌تێ و ئه‌و ده‌م پشتی نڤێژا ئێڤاریه، و خودێ چێتر دزانیت.
