ب : ب راستی ئه‌ڤه جهێ جودابوونییه دناڤبه‌را زانایاندا ژ به‌ر دوو به‌لگه‌یێت گشتی یێت هه‌ڤرك ل گه‌لێك یێت هه‌ین وه‌كی فه‌رمانا خودێ (إِنَّ اللَّهَ وَمَلَائِكَتَهُ يُصَلُّونَ على النبي يا أَيُّهَا الَّذِينَ آمَنُوا صَلُّوا عليه وَسَلِّمُوا تَسْلِيمًا) (إن البخيل من ذكرت عنده فلم يصل علي) (رغم أنف رجل ذكرت عنده فلم يصل علي) ئایه‌ت و حه‌دیس به‌لگه‌ێت گشتینه ل سه‌ر صه‌له‌واتدانێ ل سه‌ر پێغه‌مبه‌ری هه‌می ده‌مان نه‌خاسمه ده‌مێ ناڤێ وی دهێته ئینان و به‌لگه‌یێ دێ یێ ب گشتی ئه‌مرێ مه دكه‌ت ئه‌م دخوتبێدا گوهداریێ بكه‌ین و نه ئاخڤین و نه بێژینه وی یێ دئاخڤیت نه ئاخڤه پێغه‌مبه‌ر سلاڤێت خودێ ل سه‌ر بن دڤه‌گێرا بوخاریدا دبێژیت (إذا قُلْتَ لِصَاحِبِكَ يوم الْجُمُعَةِ أَنْصِتْ وَالْإِمَامُ يَخْطُبُ فَقَدْ لَغَوْتَ) ئه‌ڤه به‌لگه‌یه‌كێ گشتییه ل سه‌ر نه ئاخفتنێ ده‌مێ خوتبه دهێته خواندن و سه‌له‌وات دان ئاخفتنه و ژ تیگه‌هشتنا ڤان هه‌ردوو به‌لگه‌یان زانا د صه‌لواتدانێدا ل سه‌ر پێغه‌مبه‌ری سلاڤێت خودێ ل سه‌ربن ده‌مێ خوتبێ نه‌خاسمه ده‌مێ ناڤێ پێغه‌مبه‌ری سلاڤێت خودێ ل سه‌ربن دهێته ئینان د ژێك جودانه بو پتر ژ بوچونه‌كێ:
بوچونا ئێكێ: ل ده‌ف هنده زانایان دێ صه‌له‌واتا ده‌یه سه‌ر پێغه‌مبه‌ری سلاڤێت خودێ ل سه‌ربن به‌لێ ددلدا دا ده‌نگۆ (ته‌شویش) دورست نه‌بیت وهوسا هه‌ردوو به‌لگه ب جھـ ئینان صه‌لوات دانه سه‌ر پێغه‌مبه‌ری سلاڤێت خودێ ل سه‌ربن و گوهداریا خوتبێ ژی كر و ئه‌ڤه بوچونا حه‌نبه‌لیانه و گۆتنا ئه‌بو یوسفه ژ حه‌نه‌فیان.
بوچونا دوویێ: گوهدانا خوتبێ ب خێرتره و باشتره ژ صه‌له‌وات دانێ؛ چونكی پشتی خوتبێ هه‌مێ ده‌مێ صه‌له‌واتانه به‌لێ هه‌كه خوتبێدا ئاخفت ئه‌ڤه ئه‌و خێر ژێ چو نا هێته‌ڤه هه‌تا خوتبا دی بهێت، ئانكو هه‌كه دخوتبێدا صه‌له‌وات دانه سه‌ر پێغه‌مبه‌ری وی یا باشتر و ب خێرتر نه هه‌لبژات و ئه‌ڤه بوچونا ئه‌بو حه‌نیفه‌یه خودێ ژێ رازی بیت.
بوچونا سێیێ: دورسته صه‌له‌وات د خوتبێدا بێنه‌دان هه‌كه ناڤێ پێغه‌مبه‌ری سلاڤێت خودێ ل سه‌ربن هاته ئینان و گۆتنا ئامین بێته گۆتن هه‌كه ئیمامی دوعاكرن و ئه‌ڤه بوچونا مالكی و شافعیانه.
و ب راستی ئه‌ز ئه‌ڤا دویماهیێ دورستتر ددانم نه‌خاسمه ده‌مێ ناڤێ پێغه‌مبه‌ری سلاڤێت خودێ ل سه‌ربن دهێته ئینان ب مه‌رجه‌كێ ده‌نگه‌كێ وه‌سا نه‌بیت به‌ر خه‌لكی به‌رزه‌كه‌ت و قه‌ره‌بالغێ دورست كه‌ت چونكی یا هاتیه زانین ل سه‌ر ده‌مێ پێغه‌مبه‌ر سلاڤێت خودێ ل سه‌ربن ئاخفتنا هاتیه‌كرن و نه ژ له‌غوێ هاتیه هژمارتن د ڤه‌گێرا بوخاری و موسلمیدا ژ ئه‌نه‌سێ خودێ ژێ رازی بیت هاتیه دبیژیت خوتبێدا زه‌لامه‌ك ب ژوركه‌فت و گۆته پێغه‌مبه‌ری سلاڤێت خودێ ل سه‌ر بن و وی ل سه‌ر مینبه‌رێ خوتبه دخواند (يا رَسُولَ اللَّهِ هَلَكَتْ الْمَوَاشِي وَانْقَطَعَتْ السُّبُلُ فَادْعُ اللَّهَ يُغِيثُنَا) ئه‌ی پێغه‌مبه‌رێ خودێ ته‌رش نه‌مان و ڕێك هاتنه گرتن دوعا ژ خودێ بكه بارانێ ب ده‌ته مه، ئینا پێغه‌مبه‌ر سلاڤێت خودێ ل سه‌ر بن زڤری و دوعایێت بارانێ كرن هێژ د خوتبێدا باران هاتن و ئه‌نه‌س دبێژیت شه‌ش روژاندا مه رۆژ نه‌دیت هه‌لاتی خوتبا پاشتر هه‌ر ئه‌و هات گۆت: (يا رَسُولَ اللَّهِ هَلَكَتْ الْأَمْوَالُ وَانْقَطَعَتْ السُّبُلُ فَادْعُ اللَّهَ يُمْسِكْهَا) یا پێغه‌مبه‌رێ خودێ دوعا ژ خودێ بكه بارانێ ب راستینیت مالێ مه نه‌ما ورێك هاتنه گرتن ئینا پێغه‌مبه‌ر سلاڤێت خودێ ل سه‌ربن دوعا كرن باران راستیا دیسا دڤه‌گێرا موسلمیدا هاتیه پێغه‌مبه‌ر سلاڤێت خودێ ل سه‌ربن دبێژیت: (إذا جاء أحدكم يوم الْجُمُعَةِ وَالْإِمَامُ يَخْطُبُ فَلْيَرْكَعْ رَكْعَتَيْنِ وَلْيَتَجَوَّزْ فِيهِمَا) و یا ئاشكرایه نڤێژ ب خواندنێ و دوعایان و ته‌حیاتێ و چه‌ند زكران پێكدهێت به‌لێ ئه‌ڤه دژی گوهداریكرنێ نه‌هاتیه نیاسین، دیسا زانا دبێژن هه‌كه د خوتبێدا نیشان و ئیشاره‌ت مفا نه‌دا هنگی دورسته ئاخفتن د خوتبێدا بێته‌كرن و دژی گوهداریكرنێ نینه وه‌كی هه‌كه ئێكێ كوره بیت و دێ كه‌ڤیت یان ماره‌ك یان دوپشكه‌ك بهێته ئێكێ تو ئاگه‌هداركه‌ی ئه‌ڤه چو نینه و نابیته دژی گوهداركرنێ ژبه‌ر هندێ ئه‌ز صه‌له‌وات دانێ ژ ڤی بابه‌تی ددانم و دورسته به‌لێ دڤێت ره‌نگه‌كێ بیت ده‌نگۆیێ (ته‌شویشێ) دورست نه‌كه‌ت و زانایێ ناڤدار بن باز خودێ ژێ رازی بیت ڤێ بۆچونێ هه‌لدبژێریت و خودێ چێتر دزانیت.
