ب / كۆمه‌ك ژ زانايان دبێژن: هه‌كه تو هاتى و ئيمام يێ خوتبێ دخوينيت.. روينه خوارێ و گوهداريا خوتبێ بكه و خۆ ب چو تشتاڤه مژويل نه‌كه، و ئه‌ڤه بۆچۆنا ئه‌بو حه‌نيفه و مالكيه، و ئيمامێ شافعى و ئيمام ئه‌حمه‌د، و چه‌ند زانايه‌كێت دى دبێژن: يێ هاته د مزگه‌فتێڤه و ئيمام خوتبێ دخوينيت.. بلا نه‌روينيته خوار هه‌تا دوو ركاعه‌تان سلاڤا مزگه‌فتێ ب له‌ز دكه‌ت، ژبه‌ر حه‌ديسا بوخارى و موسلمى ژ ئه‌بى قه‌تاده‌ى خودێ ژێ رازى بيت)، ڤه‌گوهاستى دبێژيت: پێغه‌مبه‌رێ خودێ (سلاڤێت خودێ لێ بن) گۆت: ((هه‌كه ئێك ژ هه‌وه چۆ د مزگه‌فتێڤه بلا نه‌روينيته خوارێ هه‌تا دوو ركاعه‌تان نه‌كه‌ت)).
ديسا هه‌ردوو ژ جابرێ كورێ عه‌بدوللاى ڤه‌دگوهێزن، دبێژيت: زه‌لامه‌ك هاته ده‌ف پێغه‌مبه‌رى (سلاڤێت خودێ لێ بن) و وى خوتبه بۆ خه‌لكى دخواند، گۆتێ: ((يا بێڤان.. ته سونه‌ت كر))، گۆت: نه‌خێر، گۆتێ: ((رابه دوو ركاعه‌تان بكه)) و خودێ چێتر دزانيت.
