ب/ جاره‌كێ پێدڤيه ئه‌م بزانين خودێ ب فرێكرنا ڤى دينى دڤێت ل سه‌ر مه ب ساناهى بكه‌ت، و ساناهيكرن بۆ مه دڤێت، نه زه‌حمه‌ت. و خودايێ مه‌زن دبێژت: ((يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ )) و دڤێت ئه‌م دينى وه‌رگرين هه‌روه‌كى بۆ مه ژ پێغه‌مبه‌رى هاتى نه هه‌روه‌كى ئاقلێ مه دبريت.
ئيمام عه‌لى دبێژيت: هه‌كه دين ب ره‌ئيێ با دا بێژين: بنێ پێى بێته مه‌سحكرن چێتره ژ شه‌يێ پێى بێته مه‌سحكرن، به‌لێ دين نه ب ره‌ئيێيه.
ئه‌ز دبێژم: كورتكرنا نڤێژێ د سه‌فه‌رێدا سونه‌تا پێغه‌مبه‌ريه (سلاڤێت خودێ لێ بن) و دياريا خودێ دڤێت قه‌بويلكه‌ين و ره‌دنه‌كه‌ين. و خودێ ڤيايه ل سه‌ر مه سڤك بكه‌ت، وه‌ختێ كورتكرن بۆ موسلمانان كريه ديارى، جمهورێ زانايان دبێژن: كورتكرنا نڤێژێ د سه‌فه‌رێدا ب خێرتره ژ تمامكرنێ، ڤێجا چ تو د سه‌فه‌را خۆدا يێ ره‌حه‌ت بى يان نه. ژ وان زانايان: ئيمامێ شافعى و ئه‌حمه‌د و مالك و ئه‌وزاعى، خودآ ژ وان هه‌ميان رازى بيت، به‌لكى هنده‌ك زانا دبێژن: نڤێژا چار ركاعه‌ت د سه‌فه‌رێدا دڤێت بێته كورتكرن و دوو ركاعه‌ت بێته‌كرن، و تمامكرن يا حه‌رامه و نه‌يا دورسته، چونكى نڤێژا سه‌فه‌رێ دوو ركاعه‌تن، ژ وان زانايان: ئيمامێ سه‌ورى و ئبن حه‌زم و ئه‌بو حه‌نيفه خودآ ژ وان هه‌ميان رازى بيت و خودێ چێتر دزانيت.
