ب / مه‌سه‌لا كۆمكرن و كورتكرنا نڤێژان ئختيلاف ل سه‌ر هه‌يه، كا د كيژ سه‌فه‌رێدا دئێنه كۆمكرن و كورتكرن، و دڤێت درێژيا وێ سه‌فه‌رێ چه‌ند بيت.
ل ده‌ف حه‌نبه‌ليان دڤێت چل و هه‌شت ميل پتر بن هه‌تا نڤێژ تێدا بێته كورتكرن، و گه‌له‌ك زانا دبێژن: چو تشتێ دورست ب درێژى و كورتيا رێكێ نه‌هاتيه، و هه‌ر رێكه‌كا مرۆڤ بۆ ده‌ركه‌ڤيت هه‌كه خه‌لك ب سه‌فه‌ر بدانيت دورسته مرۆڤ نڤێژان تێدا كورتكه‌ت. ئبن ته‌يميه(خودێ ژێ رازى بيت)، دبێژيت: ئه‌ڤ مه‌رجێت بۆ رێكێ هاتينه دانان چو بۆ نينه و دورسته مرۆڤ د سه‌فه‌رێدا ـ ئه‌و سه‌فه‌را خه‌لك دبێژنێ سه‌فه‌ر ـ نڤێژا چار ركاعه‌تى كورت بكه‌ت، هه‌روه‌كى خه‌لكێ مه‌كه‌هێ ل پشت پێغه‌مبه‌رى (سلاڤێت خودێ لێ بن) ل عه‌ره‌فێ و مينايێ و موزده‌ليفه‌يێ كۆم دكرن و خودێ چێتر دزانيت.
