ب : ڤه‌گێرێت دورست دیاره‌دكه‌ن نڤێژا مری ب جه‌ماعه‌ت ل سه‌ر پێغه‌مبه‌ری سلاڤێت خودێ ل سه‌ربن نه‌هاتیه‌كرن و صه‌حابه‌یان كت كته و ئێك ئێكه نڤێژا مری ل سه‌ر پێغه‌مبه‌ری كرن سلاڤێت خودێ ل سه‌ربن و ل سه‌ر ئه‌گه‌رێ ڤێ چه‌ندێ زانایان پتر بۆچونه‌كێ هه‌یه:
ئیك: هنده‌ك دبێژن ئه‌ڤه وه‌سیه‌تا پێغه‌مبه‌ری بوو سلاڤێت خودێ ل سه‌ربن هه‌ر چه‌نده ئه‌ڤه ب حه‌دیسه‌كا دورست بنه‌جھـ نه‌بوویه و به‌لێ سوهه‌یلی دبێژیت ئه‌ڤ كاره نابیت صه‌حابه‌یان ل ده‌ف خۆ كربیت دڤێت ژ پێغه‌مبه‌ری سلاڤێت خودێ ل سه‌ربن هاتبیته زانین و طه‌به‌ری ئه‌ڤه ب سه‌ند ئینایه كو ئه‌ڤه ژ تایبه‌تمه‌ندیێت پێغه‌مبه‌رینه سلاڤێت خودێ ل سه‌ربن.
دوو: ژبه‌ر ململانا صه‌حابان ل سه‌ر پێغه‌مبه‌ری سلاڤێت خودێ ل سه‌ربن و كه‌سێ نه دڤیا ئێك ب كه‌ڤیته دناڤبه‌را وی و پێغه‌مبه‌ریدا سلاڤێت خودێ ل سه‌ربن نه‌مازه هێشتا كه‌س نه هاتیه هه‌لبژارتن ببیته خه‌لیفه ژ به‌ر هندێ دڤیان هه‌می وه‌كی ئێك بن و نێزیكی پێغه‌مبه‌ری بن سلاڤێت خودێ ل سه‌ربن و نڤێژێ ل سه‌ر بكه‌ن.
سێ: هه‌میان دڤیان وه‌كی ئێك به‌ره‌كاتا پێغه‌مبه‌ری سلاڤێت خودێ ل سه‌ربن ب گه‌هیتێ.
چوار: ژبه‌ر مه‌زناتیا پێغه‌مبه‌ری كه‌سێ نه دڤیا ئه‌و یێ حازر و ببیته ئیمام پێشیا خه‌لكی بێێ ده‌ستویریا وی.
و دبیت ئه‌ڤ ئه‌گه‌ره هه‌می یێت دورست بن و دبێت هنده‌ك ژ وان به‌لێ ئه‌ڤ چه‌نده وێ دگه‌هینیت دورسته نڤێژ ته‌ك ته‌ك ل سه‌ر مری بێته‌كرن و سونه‌ت ئه‌وه ب جه‌ماعه‌ت بیت و ل سه‌ر پێغه‌مبه‌ری ب جه‌ماعه‌ت نه هاته‌كرن ژ به‌ر وان ئه‌گه‌رێت مه گوتین و دبیت گریدای تایبه‌تمه‌ندیا وی بیت سلاڤێت خودێ ل سه‌ربن و خودێ چێتر دزانیت.
