ب / ده‌سپێكێ پێدڤيه مرۆڤ ژ ده‌ف خۆ چو رامانا ژ ئاخفتنێ نه‌به‌ت، و چو ته‌فسير و راڤه‌كرنا نه‌ده‌تێ هه‌كه زانين نه‌بيت، چونكى دبيت ئه‌ڤه دێ گۆمانێ ل ده‌ف مرۆڤى په‌يداكه‌ت، و دڤێت ئه‌م بزڤرينه زانايێت شاره‌زاييه‌كا موكم د دينيدا هه‌ى دا مه ژ ڤان گرفتان قورتالكه‌ن، و راسته نه‌تێگه‌هشتنا دورست دبيت ئالۆزيا په‌يداكه‌ت.
گه‌هشته من جهه‌كى ل دهۆكێ گول مه‌لايه‌كى بوو ئه‌ڤ دوعايه ل سه‌ر گۆرێ ژنا وى دخواند، هه‌ر ل سه‌ر قه‌برا ئه‌و و كورێت خۆ رابوونێ و گۆتنه مه‌لاى: تو شه‌رم ناكه‌ى، چاوا پێش چاڤێت مه تو دبێژى: (ابدلها أهلا خيرا من أهلها) ئانكو: زه‌لامه‌كى ژ زه‌لامێ وێ باشتر بۆ به‌ده‌لڤه‌كه، و هه‌كه خه‌لك نه‌ببانه به‌ره‌ڤان دا نه‌خۆش بيت. ئه‌ڤه هه‌مى ئه‌گه‌رێ وێ تێنه‌گه‌هشتنێيه هه‌كه كچ نه‌يا شويكرى بيت يان كورى ژن نه‌ئينابيت، مه‌خسه‌د پێ ئه‌وه خێزانه‌ك و خێزانه‌كا باشتر ژ وێ ئه‌وا ته بۆ وان د دنيايێدا داناي بگه‌هنه ئێك هه‌كه مابان و نه‌مربان، و هه‌كه يا شويكرى بيت مه‌خسه‌د پێ ئه‌وه زه‌لامێ وێ بۆ باشتر لێكه و ره‌وشتێت وى بگوهۆره، و بۆ زه‌لامێ ژنا وى د به‌حه‌شتێدا باشتر لێ بكه ئه‌ڤه‌يه رامانا (وابدلها خيرا من اهلها)، و ب ڤێ رامانێ ژى د قورئانێدا هاتيه، خودايێ مه‌زن دبێژيت: ((يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ)) ئانكو: رۆژا عه‌رد و عه‌سمان وه‌كى خۆ نه‌مينن و دهێنه گوهۆرين، ڤێجا دڤێت ئه‌م بزانين (ابدله) ل ڤێرێ رامان ئه‌و نينه زه‌لامه‌كێ دى يان ژنه‌كا دى هه‌كه هه‌مى به‌حشتى بن، به‌لكى مه‌خسه‌د پێ هه‌ر ئه‌و ژن و زه‌لام به‌لێ يێ به‌دل بووى و گوهۆرى و باشتر و ب ساخله‌ت و ره‌وشان هاتيه به‌دلكرن و گوهۆرين و خودێ چێتر دزانيت.
