ب / فاتحه خواندن و پشتى وێ دوعاكرن خودێ خێرا ڤێ فاتحێ بگه‌هينيته مرى دورسته، به‌لێ به‌س فاتحه خواندن ب تنێ چو پێ نه‌هاتيه، يا دورستتر مرۆڤ دوعا بكه‌ت، و ئه‌و دوعايێت ژ پێغه‌مبه‌رى (سلاڤێت خودێ لێ بن) هاتينه زانين ژ وان: ((للَّهِ تعالى مَا أَخژ ولَهُ ما أعطى، وَكُلُّ شَيْء عِنْدَهُ بِأَجْلٍ مُسَمَّى...، فَلْتَصْبِرْ ولْتَحْتسِبْ)) ئانكو: ب راستى هه‌ر يێ خودێيه يێ وه‌رگرت و يێ دا، و هه‌مى تشتان ل ده‌ف وى وه‌ختێ خۆ يێ دياركرى يێ هه‌ى.
و هه‌كه ڤێ بێژيت باشه: ((أعظم الله أجرك، وأحسن عزاءك وغفر لميتك)) ئانكو: خودێ خێرا ته مه‌زن بكه‌ت و خه‌ما ته سڤك بكه‌ت و گونه‌هێت مريێ ته ژێ ببه‌ت و خودێ چێتر دزانيت.
