ب / ل ده‌ف ئيمام مالك و شافعي و ئه‌حمه‌د روينشتن بۆ به‌هيێ و پێشوازيكرنا به‌هيداران مه‌كروهه، و يا دورست هه‌رگاڤا كه‌فته د رێكێدا به‌هى لێ بێته دان، چونكى ده‌مێ ئێكى يێ ئيسلامآ روينشتن بۆ به‌هيێ نه‌بوو، به‌لێ ديتنا ئه‌ز تێ دگه‌هم.. پێغه‌مبه‌رێ خودێ (سلاڤێت خودێ لێ بن) نه‌هى ژ روينشتنێ نه‌كريه، و ژێ نه‌هاتيه زانين ژى. ژبه‌ر هندێ ئه‌ز دبينم به‌هيگێران و به‌هي وه‌رگرتن دبيت ب عه‌ده‌تانڤه يا گرێداى بيت، و ل سه‌ر وى ده‌مى دبيت عه‌ده‌تێ وان ئه‌و بيت بۆ به‌هيێ نه‌دروينشتنه خوارێ، و ب ديتنا رێكێدا ژ ئێك و دوو د رازى بين، به‌لێ ئه‌ڤرۆ سه‌روبه‌ر نه‌وه‌كى هنگيه، يێ هاتيه گوهۆرين، دبيت ئه‌ڤرۆ چو نه‌بيت روينشتن بۆ به‌هيێ هه‌بيت، و هه‌كه ئه‌م به‌رێ خۆ بده‌ينه پێناسا بيدعێ يا باوه‌رلێكرى: روينشتن بۆ به‌هيێ دكه‌ڤيت بن عه‌ده‌تانڤه، له‌وا بيدعه ناهێته هژمارتن، چونكى بيدعه رێكه‌كه د دينيدا نوى چێكريه، چاڤلێكرنه ل شه‌ريعه‌تى، مه‌خسه‌د ب پێگريا وێ زێده بۆراندنه د عيباده‌تيدا بۆ خودێ، و روينشتنا بۆ به‌هيێ ئه‌ڤ پێناسه ل سه‌ر ناهێت، چونكى نه‌رێكه‌كه د دينيدا، به‌لكى عه‌ده‌ته‌كه بۆ وه‌رگرتنا به‌هيان، هه‌ر ژبه‌ر هندێ ژى ئه‌بو ئيسحاق ئيبراهيمێ كورێ موحه‌ممه‌دآ حه‌نبه‌لى(خودێ ژێ رازى بيت)، د كتێبا (النكت والفوائد السنيه على مشكل المحرر)دا دبێژيت: ده‌ف من چو نينه سێ رۆژان خودانێت مرى ـ چ ژن چ زه‌لام ـ ل جهه‌كێ ئاشكرا روينن دا خه‌لك بچيت به‌هيا وان لێ بده‌ت، ديسا ئه‌ڤ ده‌ستويريه هه‌ر ژ ئيمام ئه‌حمه‌د ژى(خودێ ژێ رازى بيت)، هاتيه زانين هه‌روه‌كى خودانێ ئينسافێ دبێژيت، ديسا زانايێت حه‌نه‌فى ژى دبێژن: چو نينه و ده‌ستويريێ ب روينشتنێ دده‌ن و خودێ چێتر دزانيت.
