ب / پێدڤيه د هه‌مى كاروبارێ خۆدا ئه‌م بزڤرينه پێغه‌مبه‌رى (سلاڤێت خودێ لێ بن) كا چ كريه و چ دوعا خوانديه نه‌خاسمه ل سه‌ر گۆرستانێ، چونكى پێغه‌مبه‌رێ مه (سلاڤێت خودێ لێ بن) گه‌له‌ك سه‌ره‌دانا گۆرستانێ دكر، هه‌تا ژ دايكا مه عائيشايێ هاتيه ڤه‌گوهاستن.. گه‌له‌ك جاران نيڤا شه‌ڤێ ديت يێ ژ سه‌ره‌دانا به‌قيعێ دزڤريت ـ به‌قيع گۆرستانا خه‌لكێ مه‌دينێ بوو ـ و ژ پێغه‌مبه‌رى (سلاڤێت خودێ لێ بن) هاتيه زانين: ده‌مێ سه‌ره‌دانا گۆران دكر، دگۆت: ((السَّلامُ عَلَيكُمْ أَهْل الدِّيار مِنَ المُۆمِنِينَ والمُسْلِمِينَ وَإِنَّا إِنْ شَاءَ اللَّهُ بِكُمْ لاَحِقُونَ،[وَێرْحَمُ الله الْمُسْتَقْدِمِينَ مِنَّا وَالْمُسْتَأْخِرينَ] أَسْأَلُ اللَّه لَنَا وَلَكُمُ العافِێه)). ئانكو: سلاڤ ل سه‌ر هه‌وه بن، يا خه‌لكێ ڤى جهى ژ خودان باوه‌ر و موسلمانان، و ب راستى ئه‌م ـ هه‌كه خودێ حه‌زكه‌ت ـ دێ گه‌هينه هه‌وه (خودێ دلۆڤانيێ ب پێشكه‌فتى يێت مه و پاشكه‌فتى يێت مه ببه‌ت) ئه‌ز سلامه‌تى و ئێمنيێ بۆ خۆ و بۆ هه‌وه ژ خودێ دخوازم و خودێ چێتر دزانيت.
