ب/ هندى مرۆڤ د نڤێژا جه‌نازه‌يدا د زێده بن ب خێرتره، و هندى رێز پتر بن چێتره، و ب خێرتره؛ ژبه‌ر هندێ يا باشه موسلمان د نڤێژا جه‌نازه‌يدا هه‌مى نه‌بنه ئێك رێز و خۆ هه‌كه شه‌ش بن، ژبلى ئيمامى يا باشتر ئه‌وه، ببنه سێ رێز هه‌كه رێزه‌كێ دوو مرۆڤ بن، چونكى پێغه‌مبه‌ر (سلاڤێت خودێ لێ بن) دبێژيت: ((ما من مُۆمِنٍ ێمُوتُ فيصلي عليه أُمَّه مِنَ الْمُسْلِمِينَ بَلَغُوا ان ێكُونُوا پثاَث صُفُوفٍ الا غُفِرَ له)) ئيمام مالكى ئه‌ڤ حه‌ديسه ڤه‌گێرايه. ديسا بۆ چل مرۆڤان پێغه‌مبه‌ر دبێژيت: ((ما من رجل مسلم يموت فيقوم على جنازته اربعون رجلا لايشركون بالله شيئا إلا شفعهم الله فيه)) ئانكو: نينه مرۆڤه‌ك بمريت و چل مرۆڤ نڤێژێ ل سه‌ر بكه‌ن ئه‌و بن يێت چو شريكان بۆ خودێ چێ نه‌كه‌ن.. هه‌كه خودێ وان بۆ نه‌كه‌ته به‌ره‌ڤان. به‌لێ ب ئانه‌هيا خودێ ئه‌ڤ چل مرۆڤه دێ شه‌فاعه‌تێ بۆ كه‌ن، به‌لێ ب مه‌رجه‌كى ئه‌و چل مرۆڤ د راست و دورست بن د موسلمانه‌تيا خۆدا و خودێ چێتر دزانيت.
