ب / بچوك ـ كور بيت، كچ بيت ـ هه‌كه بوو يێ ساخ، بۆ ئێك بيست تنێ ژى، دێ هێته شويشتن و نڤێژ دێ ل سه‌ر هێته‌كرن، و هه‌مى مافێت مرۆڤان يێت هه‌ين. جابرێ كورێ عه‌بدوللاى خودێ ژێ رازى بيت) دبێژيت: پێغه‌مبه‌رێ خودێ (سلاڤێت خودێ لێ بن) دبێژيت: هه‌كه ده‌نگ ژ بچويكى هات، دێ نڤێژ ل سه‌ر هێتكرن، و ميرات ژى دێ بۆ كه‌ڤيت. به‌لێ هه‌كه د زكێ دايكێدا يێ مرى بيت و بوو يێ مرى، دێ د پاته‌كى هێته وه‌ركرن و هێته ڤه‌شارتن و نڤێژ ل سه‌ر ناهێته‌كرن، هه‌رچه‌نده هنده زانا وه‌كى سه‌عيدێ كورێ موسه‌يه‌بى و ئيسحاقێ كورێ راهه‌وه‌يهى خودآ ژ هه‌ردوويان رازى بيت، دبێژن: هه‌كه يێ چار هه‌يڤا و پتر بيت نڤێژ دێ ل سه‌ر هێته‌كرن، به‌لێ بۆچۆنا ئێكێ دورستتره و خودێ چێتر دزانيت.
