ب / هه‌ركه‌سێ نڤێژا مرى ژێ چۆ، و ڤێرا نه‌گه‌هشت، هه‌تا ڤه‌شارتى بۆ هه‌يه نڤێژێ ل سه‌ر قه‌برى بكه‌ت، به‌لگه ژى ئه‌بو هوره‌يره (خودێ ژێ رازى بيت) دبێژيت: ژنه‌كا ره‌ش، يان جه‌حێله‌كى، مزگه‌فت دمالشت، پێغه‌مبه‌رێ خودێ (سلاڤێت خودێ لێ بن) نه‌ديت، پسيارا وێ، يان يا وى، كر؟ گۆتن: يا، يان يێ مرى، گۆت: ((بلا هه‌وه ئه‌ز پێ ئاگه‌هدار كربام))، هه‌روه‌كى وان ئه‌و بچويك دانا، گۆت: ((گۆرێ وێ يان يێ وى نيشا من بده‌ن))، نيشا دان، نڤێژ سه‌ر كر پاشى گۆت: ((ئه‌ڤ گۆره د تژى زولمات بوون سه‌ر خودانێت خۆ، ب راستى خودێ ب نڤێژا من ل سه‌ر وان، دێ بۆ وان رۆن كه‌ت)) و خودێ چێتر دزانيت.
