ب: شه‌نكستێ پشتبه‌ستكری ئه‌وه، نابیت دایباب زه‌كاتا خۆ ب ده‌نه زاروكێت خۆ، كچ وكران، و نابیت ئه‌و ژی زه‌كاتێ ب ده‌نه دایبابێت خۆ، و نهێنیا ڤێ فه‌رمانێ ئه‌وه، زاروك هه‌كه ده‌ستێ وان یێ فره‌ھ بیت و دزه‌نگین بن و دایبابێت وان د هه‌ژاربن، هنگی پێتڤیه ئه‌و مه‌صره‌فی ل وان بكه‌ن، و هاریكاریا وان بكه‌ن ژ بنیاتێ مالێ خۆ نه ژ پشكا زه‌كاتێ، و هوسا ژی دیسا دایباب ژی هه‌كه د زه‌نگین بن و زاروكێت وان دهه‌ژار بن، دڤێت هه‌وجه‌یێت وان ب قه‌تینن، و ژ مالێ خۆ نه ژ پشكا زه‌كاتێ ل به‌ر وان صه‌رفكه‌ن، ژ به‌ر هندێ نابیت ئه‌ڤه زه‌كاتێ ب ده‌نه ئێك و دوو، ڤێجا هه‌كه تو یا زه‌نگین بی و مال مالێ ته‌بیت نه یێ زه‌لامێ ته‌بیت، و دایبابێت ته یێت هه‌ژاربن، دڤێت تو ژ مالێ خۆ هاریكاریا وان بكه‌ی، نه زه‌كاتێ ب ده‌یێ، به‌لێ هه‌كه مال نه یێ ته‌بیت و یێ زه‌لامێ ته‌بیت، و دایبابیت ته زه‌كات لێ یچیت، دورسته تو زه‌كاتا مالێ زه‌لامێ خۆ ب ده‌یه دایبابێت خۆ، و هه‌كه مالێ هه‌وه هه‌ردوكا پێكڤه‌یه، هنكی رێژه‌یا زه‌كاتا مالێ خۆ نه‌ده دایبابێت خۆ، به‌لێ هه‌كه تۆ زه‌كاتا پشكا زه‌لامێ خۆ بده‌یه وان دورسته، و خودێ چێتر دزانیت.
