ب: خودایێ مه‌زن یێ ئاشكراكری كا زه‌كات بۆ كێیه، و بۆ كێ دكه‌ڤیت، بۆهه‌شت ره‌نگێت مرۆڤان ژ موسلمانان دكه‌ڤیت و هندی ئه‌و ژ بازنێ ئیسلامێ ده‌رنه‌كه‌ڤیت، و ناڤێ موسلمانی دورست بیت ب كه‌ڤیته سه‌ر، و هه‌ژی ڤی ناڤی بیت، دورسته زه‌كاتێ ب ده‌ینێ، و ئارمانج ژ زه‌كاتێ ئه‌ڤ هه‌شت ره‌نگێت مرۆڤان یێت هه‌وجه، زه‌كات هاریكاریا وان ل سه‌ر گوهداریا خودێ بكه‌ت، ژ به‌ر هندێ زانا دبیژن، هه‌كه خودانێ زه‌كاتێ زانی زه‌كاتا وی دێ بۆ گونه‌هێ هێته ب كارئینان، و دێ بێته هاریكار گونه‌ھ پێ بێته‌كرن، هنگی نابیت ئه‌م زه‌كاتێ ب ده‌ینه وی مرۆڤی، بلا زه‌كات ژێ بچیت ژی؛ چونكی دێ گونه‌هێ پێ كه‌ت، و یێ هوسا شوینا ئه‌م زه‌كاتێ ب ده‌ینه وی، ئه‌م دشێن بده‌ینه مالا وی، زاروكێت وی، و هه‌ڤژینا وی، شینا ئه‌م ب ده‌ینه وی، و مه ترسا هندێ هه‌بیت دگونه‌هێدا ب مه‌زێخیت، و خودێ چێتر دزانیت.
