ب : زەکاتا چێلان مەرجێت خۆ یێت ھەین ھەتا زەکات لێ بکەڤیت، دڤیت ئەو چێل یێت شیری و به‌رهه‌می بن و باراپتر ژ سالێ بچەریت و خودانکرنا وان باراپتر ژ سالێ نە سەر ئالفی بیت ، ھەکە چێل نەھێنە بەردان بۆ چەرێ و ل سەر ئالفی بژین زەکات لێ ناکەڤیت ل دویف بوچونا جمهورێ زانایان، و دیسا دڤێت سالەک سەرڤە بچیت و ھژمارا وان بگەھیتە سیهان، و ھندی نەگەھیتە سیهان زەکات لێ ناکەڤیت، و چو جوداھی د ناڤبەرا یا مه‌زن و بچویك و گای و چێلێدا نینە، ھەمی ئێک حسێبن، و هه‌می پێکڤە دھێنە ھەژمارتن، ڤێجا ھەرکەسێ سیھ چێل گولك و گا ھەبن و سال سەرڤە چۆ و باراپتر ژ سالێ چەریان دڤێت ئەو زەکاتا وان بدەت، و ژ سیهان زەکات لێ دکەڤیت و دڤێت گۆلكه‌كێ ئێك سالی تمامكری و چویه دسالا دو‌یێدا زەکات دەربێخیت، و هه‌كه بۆنه چل دڤێت گۆلكه‌كێ دوو سال تمامكری چویه دسالا سییێدا زه‌كات ده‌ربێخیت و هوسا هه‌ر سیهان گۆلكه‌كێ ئێك سالی تمامكری و چویه دسالا دو‌یێدا بده‌ت و هه‌ر چلان گۆلكه‌كێ دوو سال تمامكری چویه دسالا سییێدا بده‌ت و هوسا هه‌تا دبنه پینجی و نه‌ھ هه‌كه بۆنه شێست دوو گۆلكیت ئێك سالی تمامكری و چویه دسالا دو‌یێدا دڤێت ژێ بده‌ت، و هوسا هه‌تا دبنه شێست و نه‌ھ و هه‌كه بۆنه حه‌فتێ گۆلكه‌كێ ئێك سالی تمامكری و چویه دسالا دو‌یێدا و گۆلكه‌كێ دوو سال تمامكری چویه دسالا سییێدا دڤێت ژێ بده‌ت و هه‌كه بۆنه هه‌شتێ دوو گۆلكێت دوو سال تمامكری چویه دسالا سییێدا دڤێت ژێ بده‌ت و هه‌كه بۆ نه نوت، سێ گۆلكێت ئێك سالی تمامكری و چوینه دسالا دو‌یێدا ژێ بده‌ت و ھۆسان هه‌ر سیهان گۆلكه‌كێ ئێك سالی تمامكری و چویه دسالا دو‌یێدا زه‌كاتا وانه و هه‌ر چلان گۆلكه‌كێ دوو سال تمامكری چوینه دسالا سییێدا زه‌كاتنا وانه، بەلێ ئەوێ چێلان خودان نەکەت بۆ به‌رهه‌مێ وان و بازرگانیا وان بکەت ـ بکڕیت و بفرۆشیت، و دبیت چێل و گا و گۆلك ھەیڤەکێ یان پتر یان زێدەتر دەف وی بمینیت ـ ھنگی ئەو دێ زەکاتا مالێ بازرگانیێ دەت نەزەکاتا چێلان، و دێ چێلێت ل دەف بھاکەت، و ھەکە پارێ وان گەھشتە نیسابێ زەکاتێ و سالەک سەرڤە چۆبیت دێ (٢.٥%) زەکاتێ دەت و خودێ چێتر دزانیت.
