ب / زه‌كات هه‌كه گه‌له‌ك بيت و هه‌مى مرۆڤێت موسته‌حه‌ق بگريت، ئه‌ڤه باشتره، به‌لێ هه‌كه ئێكى زه‌كاتا وى يا كێم بيت، و تێرا هه‌مى ره‌نگێت مرۆڤان نه‌كه‌ت ـ ئه‌وێت د قورئانێدا هاتين ـ دورسته هه‌ميێ بده‌ته ئێكى، دا ئه‌و ژى مفاى و فايده‌ى بۆ خۆ ژێ بكه‌ت، و تێرا تشته‌كى بكه‌ت، و به‌ر بكه‌ڤيت، خۆ هه‌تا ئه‌و زه‌كات گه‌له‌ك ژى بيت، هه‌تا هنده‌ك ئه‌وێت هه‌ژار ب زه‌كاتێ زه‌نگين ببن ژى، دورسته، هه‌روه‌كى د مه‌زهه‌بێ شافعيدا هاتى خودانێ مه‌جمووعێ (خودێ ژێ رازي بيت)دبێژيت: دورسته تو هند زه‌كاتێ بده‌يه ئێكى، تێرا هه‌مى ژيێ وى بكه‌ت، مالكى (خودێ ژێ رازي بيت)و باراپتر ژ حه‌نابيلان دبێژن: دورسته هندێ بده‌يه هه‌ژارى، يان يێ موسته‌حه‌قى تێرا سالێ هه‌ميێ بكه‌ت.. تشتێ خه‌له‌ت، يێت مه، دێ زه‌كاتا خۆ كه‌نه پێنج دينار پێنج دينار، ده‌ه دينار ده‌ه دينار، يان سه‌د سه‌ده كو كه‌س بۆ خۆ مفاى ژێ نه‌بينيت، و چو پێدڤيێت ژيانێ پێ نه‌ئێن، ل وێ هزرێنه هه‌كه بده‌نه كۆمه‌كا مرۆڤان ئه‌ڤه باشتره.. و ئه‌و ب خۆ ئه‌ڤ هزره، نه‌يا دورسته و يا خه‌له‌ته، به‌روڤاژى دورستتره، (الحمد لله) زه‌نگينێت مه گه‌له‌كن، بلا هه‌ر ئێك ئێكى بێ منه‌ت بكه‌ت، و زه‌نگين بكه‌ت، ب ڤى ره‌نگى هه‌رسال هه‌ژماره‌كا باش ژ هه‌ژاران و موسته‌حه‌قێت زه‌كاتێ دێ بێ منه‌ت بن و هه‌وجه‌يى ب زه‌كاتێ نا مينيت. عومه‌رێ كورێ خه‌تابى (خودێ ژێ رازي بيت)دبێژيت: (فاذا اعگيتموه فاغنوه) هه‌كه هه‌وه زه‌كات دايێ بێ منه‌ت بكه‌ن و هه‌روه‌سا ئه‌ڤه ره‌ئيا عه‌تائيه ژى(خودێ ژێ رازي بيت)و خودێ چێتر دزانيت.
