ب / ب هزرا من.. و يا ئه‌ز دبينم يان دورستتر هه‌ر ئه‌ڤه‌يه و ئێك ژ وان نهێنى و حيكمه‌تان كو ده‌وله‌ت زه‌كاتێ به‌لاڤ بكه‌ت ئه‌ڤه‌يه چاڤدێريا خێرا زه‌نگينيه؛ دا نه‌زانيت زه‌كاتا وى بۆ كێ چۆيه؛ دا سوبه‌هى داخوازه‌كێ به‌رانبه‌ر زه‌كاتا خۆ ژێ نه‌كه‌ت، و ل سه‌ر نه‌كه‌ته منه‌ت، يان بكه‌ته قه‌نجى و ل نافچاڤا بده‌ت، و ب ڤێ چه‌ندێ خێرا خۆ پويچ بكه‌ت؛ له‌وا خودايێ مه‌زن ئه‌مر دكه‌ت: ((يَا أَيُّهَا الَّذِينَ آمَنُوا لَا تُبْطِلُوا صَدَقَاتِكُم بِالْمَنِّ)) (البقره/264)، گه‌لى خودان باوه‌ران خێر و قه‌نجيێت خۆ ب منه‌ت و چكيێ پويچ نه‌كه‌ن.
ڤێجا هه‌كه خودانێ پاره‌ى مرۆڤه‌كێ پاقژ و مرۆڤه‌كێ باش و مرۆڤه‌كێ باوه‌ريێ بكه‌ته وه‌كيلێ خۆ.. دورسته، و دبيت چێتر ژى بيت، و پشتى ڤێ دڤێت وه‌كيل يێ ئه‌مين بيت، و ئه‌مانه‌تي بپارێزيت و بزانيت پێغه‌مبه‌ر (سلاڤێت خودێ لێ بن) دبێژيت: ((وى دين نينه يێ ئه‌مانه‌ت نه‌بيت)) و خودێ چێتر دزانيت.
