ب/ ب راستى پشكا (في سبيل الله) پشكه‌كا ژبيركريه، باراپتر خودان زه‌كات ڤێ هزرێ ناكه‌ن كو (في سبيل الله) ئێكه ژ وان يێت زه‌كات لێ دچيت، به‌لێ ئه‌رێ مه‌خسه‌د ژ پشكا (في سبيل الله) چيه؟ هه‌لبه‌ت ئه‌ڤه جهێ ئيختيلافێيه، هنده‌ك دبێژن: پشكا (في سبيل الله) يا ب جيهادێڤه گرێداييه.. ئه‌و جيهادا شه‌ر و قيتال تێدا به‌س. به‌لێ (مجمع الفقه الاسلامي) ئه‌وا سه‌نگا خۆ ل جيهانا ئيسلامى هه‌ى، و هه‌مى ره‌نگێت شاره‌زا و بسپۆران تێدا، و گه‌له‌ك زانايێت ناڤدار و جهێ باوه‌ريێ ل سه‌ر ڤێ ره‌ئيێنه هه‌ركه‌سێ نسره‌ت و پشته‌ڤانيا دينى بكه‌ت جيهادكه‌ره، و ئه‌ڤرۆ جيهاد نه‌يا گرێدايه ب شه‌رى و قيتالێ ب تنێڤه، به‌لكى هه‌ر بزاڤه‌كا رژد ئه‌وا دئێته‌كرن بۆ پێشئێخستنا دينى جيهاده، ده‌عوا ل سه‌ر راديوويێ دئێته‌كرن جيهاده، كارئينانا راگه‌هاندنێ، و ده‌زگه‌هێت وێ د خزمه‌تا ده‌عوا ئيسلامێدا جيهاده، ئه‌ڤ ده‌عوا ب شيره‌ت و په‌يڤێ دئێته‌كرن جيهاده، و ئه‌ڤ ده‌عوا ب كتێبا ئيسلامى دئێته‌كرن جيهاده. و پشكا (في سبيل الله) يا به‌رفره‌هه و ڤان هه‌ميان دگريت و هه‌ر تشته‌كێ دگريت، ئه‌م دبێژينێ ئه‌ڤه جيهاده.
ڤێجا دڤێت ئه‌وێت زه‌كاتێ دده‌ن هزرا دينێ خۆ بكه‌ن و هزرا ده‌عوا خۆ بكه‌ن؛ چونكى ژ هه‌شت پشكان پشكا (في سبيل الله) بۆ عه‌زيزكرن و پێشئێخستنا دينى دئێته‌دان، له‌وا ئه‌م دبێژين: دين ژ هه‌ميان هه‌ژيتره ئه‌م ژبير نه‌كه‌ين، و پشكه‌كێ بۆ بدانين، به‌لێ مخابن زه‌نگين هه‌ر د بنيرا هزرا ڤێ پشكێ ناكه‌ن و ژ هه‌ر هه‌شت كه‌سان ئه‌وێت زه‌كات لێ دچيت به‌س هزرا هه‌ژارى و به‌لنگازى ب تنێ دكه‌ن. باشه كا ده‌يندار (الغارمين)، كا به‌لنگاز (المساكين) ئه‌وێ ژ پاقژيا خۆ ژ خۆ نه‌گريت زه‌كاتێ بخوازيت، و كا پشكا (في سبيل الله) ئه‌وێت خۆ و ژيانا خۆ داينه خودێ و شه‌ڤ و رۆژ ب ده‌عوا خودێڤه، ئه‌ڤه هه‌مى يێت هاتينه ژبيركرن.
ئيمامێ مه‌ناوى (خودێ ژێ رازي بيت)د كتێبا (فيچ القدير شرح الجامع الصغير)دا دبێژيت: (الجهاد فهو يشمل المجاهدين بالسنتهم دفاعا عن الاسلام برد المبگلين والكشف عن اباگيلهم التي يريدون بها زعزعه عقائد المسلمين)، ئانكو: جيهاد وان هه‌مى جيهادكه‌ران دگريت، ئه‌وێت ب ئه‌زمانێت خۆ به‌ره‌ڤانيێ ژ ئيسلامێ دكه‌ن، و گۆمانێت نه‌ياران پويچ دكه‌ن، و نه‌خشه و پيلانێت وان ئاشكه‌را دكه‌ن، ئه‌وێت دڤێن پێ هزر و بيرێت موسلمانان سست بكه‌ن.
و گه‌له‌كێت دى ژى پشته‌ڤانيا ڤێ بۆچۆنێ دكه‌ن كو پشكا (في سبيل الله) نه‌به‌س موقاتلى ب تنێ دگريت، به‌لكى وى كه‌سى ژى يێ ڤى دينى عه‌زيز دكه‌ت ب هه‌مى رێكان، و يا ئاشكرايه ئه‌ڤێت ب ده‌عوێڤه د مژويل كو جيهادكه‌رن و هه‌ژى زه‌كاتێنه ب پشكا (في سبيل الله) ب چه‌ند لايێت ديڤه زه‌كات ل وان دچيت د هه‌ژارن و به‌لنگازن و ده‌يندارن، و ب راستى چه‌ندجاركى زه‌كات ل وان دچيت، ڤێجا بۆچى زه‌كاتا خۆ ئه‌ز ناده‌مه وى، يێ چار ساخله‌تێت زه‌كات لێچۆنێ تێدا و خودێ چێتر دزانيت.
