ب / يێ ئێكێ: زه‌نگينه، و زه‌نگين ژى ئه‌وه يێ تێرا خۆ هه‌بيت. پێغه‌مبه‌ر (سلاڤێت خودێ لێ بن) دبێژيت: ((لا تَحِلُّ الصَّدَقَه لِغَنِيٍّ)) زه‌كات بۆ مرۆڤێ زه‌نگين نه‌دورسته، ئه‌بو داوودى و ترمزى ڤه‌گێراييه.
يێ دووێ: مرۆڤێ جه‌حێل يێ ل سه‌ر خۆ و به‌تران و ژ قه‌ستا شۆل نه‌كه‌ت. پێغه‌مبه‌ر (سلاڤێت خودێ لێ بن) دبێژيت: ((لا تَحِلُّ الصَّدَقَه لِغَنِيِّ وَلا لِژي مِرَّه سَوِيٍّ)) زه‌كات نه بۆ زه‌نگينى دورسته و نه بۆ جحێلێ ساخله‌م و ل سه‌ر خۆ، هه‌لبه‌ت ئه‌ڤ حه‌ديسه ئبن حه‌ببانى و ئبن خوزيمه دسه‌حيحێت خۆ دا ئيناينه و ئيمام حاكمى ژى يآ ڤه‌گێرايى و دبێژيت ئه‌ڤ حه‌ديسه دويف مه‌رجێت بوخارى و موسلميه.
يێ سيێ: مرۆڤى نه‌يێ موسلمان، و باوه‌ريێ ب ئيسلامێ نه‌ئينيت، ڤێجا چ ناڤێ موسلمانان ل سه‌ر بيت يان نه.
چار: ديسا نابيت نه باب زه‌كاتا خۆ بده‌ته عه‌يالێ خۆ، و نه عه‌يال بده‌نه دايك و بابێت خۆ.
پێنج: نابيت زه‌لام بده‌ته ژنێ و نابيت ژن بده‌ته زه‌لامى، هه‌رچه‌نده ئه‌ڤه جهێ ئيختيلافێيه.
شه‌ش: ديسا ئيختيلاف يا هه‌ى كا دورسته زه‌كاتێ بده‌نه سه‌يدان يان نه. باراپتر ژ زانايان دورست دكه‌ن، چونكى ئه‌و پشكا وان هه‌ى ژ پێنجێكێ، ئه‌ڤرۆ ئه‌و نه‌مايه.
و هه‌ر كه‌سێ زه‌كاتا خۆ بده‌ته ئه‌ڤێت بۆرى ژبلى سه‌يدان.. ئه‌ڤه زه‌كاتا وى، ما ل سه‌ر، و هه‌روه‌كى زه‌كات نه‌داى و خودێ چێتر دزانيت.
