ب/ ئه‌م دبێژينه وان: بزانن ئه‌ڤ ماله ئه‌مانه‌ته د ده‌ستێت هه‌وه‌دا، و هوين وه‌كى ئه‌مين سندۆقانه ل سه‌ر، و خودێ ئه‌ڤ ماله يێ دايه هه‌وه، و ئه‌و رێژه و نيسبا خودێ بۆ هه‌وه دياركرى، كو هوين ژ مالێ خۆ ده‌ربێخن.. ده‌ربێخن، و بلا دلێ هه‌وه پێڤه نه‌بيت، و بده‌نه وان ئه‌وێت زه‌كات لێ دچيت، ئه‌وێت خودێ گۆتين، و بلا خه‌ما ته يا مه‌زن ئه‌ڤه بيت، بۆ گه‌له‌ك مرۆڤێت خۆ وه‌كى دايكێ و بابێ و عه‌يالى هوين دشێن هاريكاريا بده‌نێ ژبلى زه‌كاتێ، و باش بزانن ئه‌و مال مالێ خودێيه، هه‌كه بۆ يێت به‌رى مه مابا نه‌دهاته د ده‌ستێت هه‌وه‌دا، و چه‌وا ژ ده‌ستێت وان ده‌ركه‌فت وه‌سا دێ ژ ده‌ستێت هه‌وه ژى ده‌ركه‌ڤيت، و هندى ته مال هه‌بيت هه‌ر دێ هێلى، ڤێجا خۆزيكێت وى يێ مالێ خۆ بكه‌ته د خزمه‌تا قيامه‌ت و ئاخره‌تا خۆدا.
شيره‌تا دووێ ئه‌ز ل خودانێت زه‌كاتێ دكه‌م: باش ئه‌حكامێت زه‌كاتێ بزانن و د زه‌كاتدانا خۆدا چو جار به‌رێ خۆ نه‌ده‌نه به‌رژه‌وه‌ندى و مه‌سله‌حه‌تا خۆ يا كه‌ساتى، و ئنيه‌ت دڤێت ئێكجار ئه‌و نه‌بيت ب ڤێ زه‌كاتێ بگه‌هنه مفايه‌كێ كه‌ساتى دا خودايێ مه‌زن زه‌كاتا وان قه‌بويل بكه‌ت و خودێ چێتر دزانيت.
