ب / ئه‌ڤه يا خه‌له‌ته، و نه‌يا دورسته، ماده‌م خودانێ زه‌كاتێ حه‌زا خۆ دياركريه، و بۆ ته ئاشكراكريه، كا دڤێت تو زه‌كاتا وى بده‌يه كێ دڤێت تو بده‌يه وان، ئه‌وێت وى بۆ ته ب ناڤ دياركرين، و دڤێت وه‌كيل دويف حه‌زا وه‌كيلدارى كريارێ بكه‌ت، چونكى دڤێت وه‌كيل يێ ئه‌مين بيت، و ڤيابا ته ده‌ستويريا زه‌لامێ خۆ وه‌رگرتبا، و ڤێگاڤێ ژى دڤێت تو وى ئاگه‌هداركه‌ى و گه‌ردانا خۆ پێ بده‌يه ئازاكرن، و ژ كريارا ته يێ رازى بيت، هنگى تو يا ئازادى بده‌يه وان يێت تو دبينى د پێدڤينه و زه‌كات ل وان دچيت هه‌كه وه‌كاله‌تا گشتى دابيته ته.. نه يا تايبه‌ت، و گۆتبيته ته: تو يا ب كه‌يفا خۆيى، هنگى ژى دڤێت يا هشيار بى، بده‌يه وان يێت زه‌كات لێ دچيت، هه‌كه ته وه‌نه‌كر، تو يا گونه‌هكارى و ته خيانه‌ت د وه‌كيليا خۆدا كر، و دڤێت ئه‌م بزانين وه‌كيلاتى به‌رپرسياريه و دڤێت ئه‌م د تێدا يێت ئه‌مين بين و خودێ چێتر دزانيت.
