ب / دڤێت ئه‌م بزانين هه‌مى كاروبارێت مه ب ئنيه‌تێڤه د گرێداينه، و ب ڤێ ئنيه‌تێ يان دێ خودان خێر بين، يان نه، دلسۆزى و ئيخلاص دخوازيت ئنيه‌ت د هه‌مى كريار و گۆتن و كراساندا ـ يێت ئاشكرا و به‌رزه ـ يا به‌رهه‌ڤ بيت، و هه‌ر ب ڤێ رامانێ خودايێ مه‌زن دبێژيت: ((وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ وَذَٰلِكَ دِينُ الْقَيِّمَةِ )) دگه‌ل ڤێ ژى فه‌رمانا وان نه‌هاتيه‌كرن، ئه‌گه‌ر ب په‌رستنا خودێ نه‌بيت، ژ دل و دلبێشى و دلسۆژ بن د دينێ خۆدا.
ديسا پێغه‌مبه‌رێ خۆشتڤى (سلاڤێت خودێ لێ بن) دبێژيت: ((ب راستى هه‌مى كار و كريار ب ئنيه‌تانه، و ب راستى بۆ هه‌ر مرۆڤه‌كى كا چ ئنيه‌ت ئينايه دێ ئه‌و بيت)). و زانا دبێژن: دڤێت ئنيه‌ت دگه‌ل دانێ بێته ئينان، و مه‌رج نينه ئه‌ڤ ئنيه‌ته ب ده‌ڤى بێته گۆتن، هه‌ر د دليدا بێته گۆتن و بكه‌ڤيته سه‌ر دلى به‌سه. و ده‌ف ئيمامێ شافعى و ئيمام ئه‌حمه‌د خودآ ژ هه‌ردوويان رازى بيت، دورسته به‌رى زه‌كاتێ ده‌ربێخى ژى، ئنيه‌تێ بينى، و ده‌ف ئيمام ئه‌بو حه‌نيفه (خودێ ژێ رازي بيت)دورسته ئنيه‌ت بێته ئينان ده‌مێ تو زه‌كاتا خۆ ڤه‌ده‌ر دكه‌ي بلا ته نه‌دابيت ژى، به‌لێ كه‌سێ نه‌دورستكريه ئنيه‌تا زه‌كاتێ پشتى دانا مالى بێته ئينان و خودێ چێتر دزانيت.
