ب/ زانايێ ناڤدار ئبن حه‌زم (خودێ ژێ رازي بيت)و بۆچۆنا ناڤبانگتر ژ مه‌زهه‌بێ ئيمام ئه‌حمه‌د،(خودێ ژێ رازي بيت)دبێژن: هه‌كه زه‌كات ل سه‌ر مرۆڤى واجب بوو، دڤێت مرۆڤ ده‌ربێخيت، و پشتى واجببوونێ هه‌كه مال نه‌ما ـ چ ب ته‌خسيرى يان بێ ته‌خسيرى ـ زه‌كات هه‌ر ل سه‌ر مرۆڤى واجبه و نارابيت و دڤێت بده‌ت.
و ئيمام ئه‌بو حه‌نيفه (خودێ ژێ رازي بيت)دبێژيت: هه‌كه ژ ته‌خسيريێ مال نه‌ما هنگى زه‌كات ل سه‌ر نارابيت، به‌لێ هه‌كه بێ ته‌خسيرى بيت چو نينه و زه‌كات ل سه‌ر رادبيت، و هه‌كه پشكه‌كا مالى نه‌ما، زه‌كاتا وێ پشكێ تنێ ل سه‌ر رادبيت و يا دى دڤێت بده‌ت.
و ئيمامێ شافعى و حه‌سه‌ن بن صالح و ئيسحاق و ئه‌بو سه‌ور خودآ ژ وان رازى بيت، دبێژن: هه‌كه مال نه‌ما به‌رى شيانا دانا زه‌كاتێ، ئه‌و زه‌كات ل سه‌ر رابوو، به‌لێ هه‌كه پشتى هنگى، ئانكو: دشيا زه‌كاتا خۆ ده‌ربێخيت به‌لێ سستى و بێخه‌مى كه‌فته تێدا، هنگى زه‌كات ل سه‌ر نارابيت و دڤێت هه‌ر ئه‌و كوژما ل سه‌ر واجب بووى بده‌ت.
و زانايێ ناڤدار ئبن قودامه (خودێ ژێ رازي بيت)ڤێ بۆچۆنى دورستتر ددانيت، و دا مرۆڤ نه‌كه‌ڤيته د ڤى كراسيدا يا فه‌ره هه‌ر گاڤا زه‌كات ل سه‌ر مرۆڤى كه‌فت مرۆڤ زه‌كاتا مالێ خۆ ده‌ربێخيت و گيرۆ نه‌كه‌ت و خودێ چێتر دزانيت.
