ب / گه‌له‌ك زانا ل سه‌ر هندێنه زه‌كات ب چو ره‌نگان ل سه‌ر نارابيت، و دڤێت ئه‌و جاره‌كا دى ده‌ربێخيته‌ڤه؛ چونكى زه‌كات نه‌ئه‌مانه‌ته د ستۆيێ ويدا هه‌كه بێ ته‌خسيرى نه‌ما چو ل سه‌ر ناچيـت، به‌لكى ده‌ينه و نارابيت هه‌تا نه‌هێته دان، و پسيار ژ زانايێ ناڤدار حه‌مادى (خودێ ژێ رازي بيت)هاته‌كرن، گۆتنێ: هه‌كه زه‌كات د ده‌ستێ زه‌لاميدا نه‌ما، به‌رزه‌بوو به‌رى بگه‌هيته خودانێ خۆ؟ گۆت: زه‌كات نارابيت ئه‌و وه‌كى ده‌ينيه هه‌كه تو ده‌ينى بده‌يه‌ف ئێكى دا بۆ خودانێ ده‌ينى ببه‌ت و د رێكێدا به‌رزه‌بوو، يان نه‌ما.. ده‌ين ما دێ ژ سه‌ر ته رابيت؟ نه، هۆسا زه‌كات ژى نارابيت.
و زانايێ ناڤدار ئبن حه‌زم (خودێ ژێ رازي بيت)ڤێ بۆچۆنێ ژ هژماره‌كا زانايان ڤه‌دگوهێزيت وه‌كى حه‌سه‌نێ به‌سرى و حه‌مادى و شوعبه‌يێ كورێ حه‌كه‌مى و موغيره و هه‌ڤالێت وى و ئيبراهيمێ نه‌خه‌عى، و پاشى دبێژيت: هه‌مى بووينه ئێك يێ مالێ خۆ بۆ زه‌كاتێ ده‌ربێخيت و به‌رزه ببيت، زه‌كات ل سه‌ر نارابيت و دڤێت جاره‌كا دى بده‌ته‌ڤه، به‌لێ ئبن عوبه‌يد (خودێ ژێ رازي بيت)د كتێبا ئه‌موالدا ژ ئبن عه‌تاْ و قه‌تاده‌ى خودآ ژ هه‌ردوويان رازى بيت، ڤه‌دگوهێزيت: د ڤى كراسيدا زه‌كات ل سه‌ر رادبيت.
و ئه‌ز دبينم هه‌كه ته‌خسيرى د وێ به‌رزه‌بوونێدا هه‌بيت زه‌كات ل سه‌ر نارابيت و بلا بده‌ته‌ڤه، و هه‌كه بێ ته‌خسيرى بيت ـ بۆ ئحتيات ـ هه‌كه پێ چێ ببيت بلا بده‌ت باشتره، و هه‌كه پێ چێنه‌بيت چو نينه و زه‌كات ل سه‌ر رادبيت و خودێ چێتر دزانيت.
