ب / ئه‌و مارا ل پێشيێ دهێته دان ـ موقه‌دده‌م ـ زه‌كات لێ دكه‌ڤيت هه‌كه گه‌هشته نيصابێ، ئانكو هه‌شتێ و پێنج غرامێت زێرى يان بهايێ هندێ، و سال سه‌رڤه چۆ، به‌لێ هه‌كه مارا موئه‌ججه‌ل بيت ئانكو يا ڤه‌ماى.. زانا تێدا د ژێك جودانه.
ئه‌بو حه‌نيفه و زاهري دبێژن: ئه‌و مار وه‌كى ده‌ينى حسێبه، زه‌كات لێ ناكه‌ڤيت، هه‌تا وه‌ردگريت، هه‌كه وه‌رگرت، دڤێت ساله‌ك سه‌را بچيت و بگه‌هيته نيصابێ هه‌تا زه‌كات لێ بكه‌ڤيت، ئه‌ڤه هه‌كه وێ چو مالێ دى نه‌بيت، هه‌كه هنده مالێ دى هه‌بيت.. پشتى وه‌ردگريت، دێ دانيته دگه‌ل مالێ خۆ يێ دى، و دێ زه‌كاتێ لێ ده‌ت دويف مه‌رجێت زه‌كاتێ.
و ل ده‌ف ئيمامێ شافعى (خودێ ژێ رازى بيت)): هه‌كه ئه‌و مار بگه‌هيته نيصابێ، زه‌كات لێ دكه‌ڤيت، و هه‌ر سال دڤێت زه‌كات لێ بێته دان، ده‌ف ئيمام ئه‌حمه‌د(خودێ ژێ رازى بيت)): حوكمێ وێ مه‌هرێ حوكمێ ده‌ينيه ده‌ف وان، هه‌كه ئه‌و مار ل سه‌ر ئێكێ زه‌نگين بيت، هه‌رگاڤا ژێ بێته خواستن يێ ئاماده‌يه بده‌ت، هنگى هه‌رگاڤا وه‌رگرت دڤێت زه‌كاتا سالێت بۆرى بده‌ت، و هه‌كه ئه‌و مار ل سه‌ر زه‌لامه‌كێ ده‌ست كورت بيت، و نه‌شێت بده‌ت خۆ ژێ بێته خواستن ژى، دڤى كراسيدا وان دوو ره‌ئى يێت هه‌ين: زه‌كات لێ دكه‌ڤيت و لێ ناكه‌ڤيت، و زانايێ ئوصولى يێ حه‌نبه‌لى خه‌رقى ره‌ئيا واجب ژێ گرتيه و بۆچۆنا ب هێزتر و يا پتر دل ل سه‌ر ره‌حه‌ت و قايم دبيت بۆچۆنا حه‌نه‌فى و زاهريانه: زه‌كات ل مارا ژنێ ناكه‌ڤيت هه‌تا نه‌وه‌رگريت و نه‌گه‌هيته نيصابێ و سال سه‌رڤه نه‌چيت و خودێ چێتر دزانيت.
