ب / ئه‌و ئاڤاهى و دكان و خانيێت بۆ كرێ هاتينه ئاڤاكرن نه بۆ فرۆتنێ.. دويف بۆچۆنا جمهورێ زانايان: زه‌كات لێ ناكه‌ڤيت، نه‌خاسمه هه‌كه مه‌خسد ژ ئاڤاهيا وان نه‌ره‌ڤين بيت ژ زه‌كاتێ، هه‌كه ئنيه‌ت ره‌ڤين بيت تشته‌كێ ديه، به‌لێ زه‌كات ل وى مال و به‌رهه‌م و كرێ دكه‌ڤيت ئه‌وا ل وان ئاڤاهيا دهێت، و زه‌كاتا كرێ دويف مه‌زهه‌بێ حه‌نه‌فى و مالكى، مرۆڤ نابيته خودانێ وێ كرێ هه‌ر ژ رێككه‌فتننامێ، به‌لكى پشتى ده‌مێ رێككه‌فتنێ دبيته مالێ مرۆڤى، ئانكو: هه‌كه هوين پێكهاتن سالێ جاره‌كێ كرێ وه‌رگرن سه‌رێ سالێ تو وان پارا دگه‌ل پارێت خۆ حسێب ناكه‌ى، هه‌تا سال دويماهى نه‌هێت، و هه‌كه سال دويماهى هات، ئه‌و كرێ بوو مالێ ته، و دێ ده‌يه دگه‌ل پارێت خۆ يێت دى، و دێ زه‌كاتێ لێ ده‌ى ب مه‌رجێت خۆڤه و خودێ چێتر دزانيت.
